ಅಫಘಾನಿಸ್ತಾನದ ಗಡಿಭಾಗದ ತಾಲಿಬಾನ್ ಕಾರ್ಯಸ್ಥಾನದ ಬಾಜೌರ್ ಪ್ರದೇಶದ ಮೇಲೆ ಸೋಮವಾರ ಪಾಕ್‌ನ ಫೈಟರ್ ಜೆಟ್ ವಿಮಾನ ದಾಳಿಗೆ ಕನಿಷ್ಠ ಆರು ಮಂದಿ ಉಗ್ರರು ಹತರಾಗಿದ್ದು, ಹಲವಾರು ಮಂದಿ ಗಾಯಗೊಂಡಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
ಅಲ್ಲದೇ ಬಾಜೌರ್ ಜಿಲ್ಲೆಯ ಚಾರ್ಮಾಂಗ್, ಲೊಯ್‌ಸಾಮ್ ಪ್ರದೇಶಗಳಲ್ಲಿಯೂ ಅಡಗಿರುವ ಉಗ್ರರ ತಾಣದ ಮೇಲೆ ವೈಮಾನಿಕ ದಾಳಿ ನಡೆಸಲಾಗಿದ್ದು, ಇವೆಲ್ಲವೂ ತಾಲಿಬಾನ್ ಹಿಡಿತದ ಪ್ರದೇಶಗಳಾಗಿವೆ.
ಏಕಕಾಲದಲ್ಲಿ ನಡೆದ ಬಾಂಬ್ ದಾಳಿಯಿಂದಾಗಿ ಉಗ್ರರ ನೆಲೆಗಳು ನಾಶಗೊಂಡಿರುವುದಾಗಿ ಟಿವಿ ಚಾನೆಲ್‌ವೊಂದರ ವರದಿ ತಿಳಿಸಿದೆ. ಆದರೆ ಅಧಿಕೃತವಾಗಿ ಎಷ್ಟು ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿಲ್ಲ.
ಆದರೆ ಚಾನೆಲ್‌ ವರದಿಯ ಪ್ರಕಾರ ಆರು ಮಂದಿ ಸಾವನ್ನಪ್ಪಿದ್ದು, ಸಾವಿನ ಸಂಖ್ಯೆ ಹೆಚ್ಚಳವಾಗುವ ಸಾಧ್ಯತೆ ಇರುವುದಾಗಿಯೂ ಶಂಕಿಸಿದೆ.
ಕಳೆದ ಕೆಲವು ದಿನಗಳಿಂದ ನಾರ್ಥ್ ವೆಸ್ಟ್ ಫ್ರಂಟಿಯರ್ ಪ್ರೊವಿನ್ಸ್‌ನ ಸ್ವಾತ್ ಕಣಿವೆ ಮತ್ತು ಬಾಜೌರ್ ಪ್ರದೇಶದಲ್ಲಿ ಪಾಕ್ ಪೈಟರ್ ಜೆಟ್ ಮತ್ತು ಗನ್ ಶಿಪ್ ಹೆಲಿಕ್ಟಾಪರ್ ಮೂಲಕ ತೀವ್ರ ದಾಳಿ ನಡೆಸುತ್ತಿರುವುದಾಗಿ ಹೇಳಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ