ವಾಯುವ್ಯ ಬಜಾಜುರ್ ಬುಡಗಟ್ಟು ಜಿಲ್ಲೆಯಲ್ಲಿ ಪಾಕಿಸ್ತಾನ ಭದ್ರತಾ ಪಡೆಗಳು ಬುಧವಾರ ರಾತ್ರಿಯಿಂದ ಗುರುವಾರ ಮುಂಜಾನೆಯವರೆಗೆ ನಡೆಸಿದ ಕಾರ್ಯಾಚರಣೆಯಲ್ಲಿ ಕನಿಷ್ಟ 23 ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಬಜಾಜುರ್‌ನ ನವಾಗೈ ವಲಯದ ಪ್ರದೇಶಗಳಾದ ಚೀನಾರ್, ಕೋಹಿ ಮತ್ತು ಬಬಾರ ಪ್ರದೇಶಗಳಲ್ಲಿ ಪಾಕ್ ಪಡೆಗಳು ಹೆಲಿಕಾಫ್ಟರ್‌ನಲ್ಲಿ ದಾಳಿ ನಡೆಸಿದ್ದು, ಉಗ್ರಗಾಮಿಗಳ ಅಡಗುತಾಣಗಳು ನಾಶವಾಗಿವೆ ಎಂದು ಮಾಧ್ಯಮಗಳು ತಿಳಿಸಿವೆ.
ಅಫಘಾನಿಸ್ತಾನದ ಗಡಿ ಭಾಗದಲ್ಲಿರುವ ಈ ಬುಡಗಟ್ಟು ಜಿಲ್ಲೆಯಲ್ಲಿ ಹೆಚ್ಚಿನ ಉಗ್ರರು ಬೀಡುಬಿಟ್ಟಿದ್ದಾರೆ ಎಂಬುದಾಗಿ ಪಾಕ್ ಪಡೆಗಳು ಶಂಕಿಸಿವೆ.
ಆಗಸ್ಟ್ ಆರರಂದು ಸೇನಾ ಕಾರ್ಯಾಚರಣೆ ಪ್ರಾರಂಭಿಸಿದಂದಿನಿಂದ, ಬಜಾಜುರ್‌ನಲ್ಲಿ ಸುಮಾರು 1,000 ಉಗ್ರಗಾಮಿಗಳು ಬಲಿಯಾಗಿದ್ದರೆಂದು ಸೇನಾ ಮೂಲಗಳು ಈ ಮೊದಲು ತಿಳಿಸಿದ್ದವು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ