ಗಡಿಭಾಗದಲ್ಲಿರುವ ಕುರ್ದಿಶ್ ನೆಲೆಗಳ ಮೇಲೆ ವೈಮಾನಿಕ ದಾಳಿ ನಡೆಸಿದ ಪರಿಣಾಮ 25 ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ತುರ್ಕಿ ಸೇನಾಪಡೆಗಳ ವಕ್ತಾರರು ತಿಳಿಸಿದ್ದಾರೆ.
ಉತ್ತರ ಇರಾಕ್‌ನ ಕಂದಿಲ್ ಬಳಿ ತುರ್ಕಿ ವೈಮಾನಿಕ ಯುದ್ದ ವಿಮಾನಗಳು ನಡೆಸಿದ ದಾಳಿಗೆ ಅನೇಕ ಕುರ್ದಿಶ್ ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ತುರ್ಕಿಶ್ ಗುಪ್ತಚರ ಇಲಾಖೆ ವರದಿ ಮಾಡಿದೆ ಎಂದು ಸೇನಾಮೂಲಗಳು ತಿಳಿಸಿವೆ.
ಕಂದೀಲ್ ಪರ್ವತ ಪ್ರದೇಶದಲ್ಲಿ ಕುರ್ದಿಶ್ ನಾಯಕರು ಅಡಗಿದ್ದು, ಉಗ್ರರಿಗೆ ತರಬೇತಿಯನ್ನು ನೀಡಲಾಗುತ್ತದೆ. ಕುರ್ದಿಶ್ ವರ್ಕರ್ಸ್ ಪಾರ್ಟಿ ಕಳೆದ 1984 ರಿಂದ ಸ್ವಯಂ ಅಡಳಿತ ನಡೆಸಲು ಹೋರಾಟ ನಡೆಸುತ್ತಿದೆ ಎಂದು ಸೇನಾಪಡೆಗಳ ವಕ್ತಾರರು ತಿಳಿಸಿದ್ದಾರೆ.
ಇರಾಕ್‌ನ ಗಡಿಭಾಗದಲ್ಲಿರುವ ಕುರ್ದಿಶ್ ನೆಲೆಗಳ ಮೇಲೆ ಭೂಸೇನಾ ಹಾಗೂ ವಾಯುಸೇನಾ ದಾಳಿಗಳನ್ನು ತುರ್ಕಿಪಡೆಗಳು ನಡೆಸುತ್ತಿವೆ ಎಂದು ಮೂಲಗಳುವ ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ