ತಮಿಳು ಜನರ ಅಭಿಲಾಶೆಗಳನ್ನು ಈಡೇರಿಸುವ ನಿಟ್ಟಿನಲ್ಲಿ ಎಲ್‌ಟಿಟಿಇ ವಿರುದ್ಧ ಹೇರಿರುವ ನಿಷೇಧವನ್ನು ಭಾರತವು ಹಿಂತೆಗೆದುಕೊಳ್ಳಬೇಕು ಎಂದು ಎಲ್‌ಟಿಟಿಇ ಮುಖ್ಯಸ್ಥ ವಿ.ಪ್ರಭಾಕರನ್ ಭಾರತಕ್ಕೆ ಕರೆ ನೀಡಿದ್ದಾರೆ.' ನಮ್ಮ ಸಂಘಟನೆಯ ಮೇಲಿರುವ ನಿಷೇಧವನ್ನು ಹಿಂತೆಗೆದು ತಮಿಳು ಜನರ ಅಭಿಲಾಶೆಗಳನ್ನು ಪೂರೈಸಲು ಭಾರತವು ಸಹಕಾರ ನೀಡಲಿದೆ ಎಂಬುದನ್ನು ನಾವು ನಿರೀಕ್ಷಿಸುತ್ತೇವೆ 'ಎಂದು 53 ವರ್ಷದ ಎಲ್‌ಟಿಟಿಇ ನಾಯಕ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.ಭದ್ರತಾ ಪಡೆಗಳು ಎಲ್‌ಟಿಟಿಇಯ ಪ್ರಮುಖ ಪ್ರದೇಶಗಳ ಆಕ್ರಮಣಕ್ಕೆ ಮುಂದಾಗಿರುವುದಾಗಿ ಹೇಳಿದ ಅವರು, ಏನೇ ಆದರೂ, ಎಲ್‌ಟಿಟಿಇಯ ಆಡಳಿತ ರಾಜಧಾನಿ ಕಿಲಿನೊಚ್ಚಿಯನ್ನು ಭದ್ರತಾ ಪಡೆಗಳು ವಶಪಡಿಸುವುದು ಕನಸಿನ ಮಾತು ಎಂದು ಸ್ಪಷ್ಟಪಡಿಸಿದ್ದಾರೆ.ಶ್ರೀಲಂಕನ್ ತಮಿಳರಿಗೆ ಸೂಕ್ತ ಭದ್ರತೆ ಮತ್ತು ಪರಿಹಾರ ಕ್ರಮಗಳನ್ನು ನೀಡಬೇಕೆನ್ನುವ ತಮಿಳುನಾಡು ಮುಖ್ಯಮಂತ್ರಿ ಎಂ.ಕರುಣಾನಿಧಿ ಅವರ ನಿಲುವನ್ನು ತಮಿಳು ನಿಯತಕಾಲಿಕ ಪತ್ರಿಕೆ ನಕ್ಕೀರನ್‌ಗೆ ನೀಡಿದ ಸಂದರ್ಶನವೊಂದರಲ್ಲಿ ಪ್ರಭಾಕರನ್ ಸ್ವಾಗತಿಸಿದ್ದಾರೆ. |
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
