ಗಂಭೀರವಾದ ಆರೋಪ ವಿವಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಜಿಪ್ಟ್ ಅಧ್ಯಕ್ಷ ಹೊಸ್ನಿ ಮುಬಾರಕ್ ಅವರಲ್ಲಿ ಇಸ್ರೇಲ್ ಕ್ಷಮೆ ಯಾಚಿಸಿದೆ.
ಇಸ್ರೇಲ್ ಮುಖಂಡ ರೆಹವಾಮ್ ಝೇವಿ ಅವರು ಸಮಾರಂಭವೊಂದರಲ್ಲಿ ಇಸ್ರೇಲ್ ವಿದೇಶಾಂಗ ನೀತಿಗಿಂತ ಈಜಿಪ್ಟ್ ನೀತಿ ತುಂಬಾ ಮೃದುಧೋರಣೆ ಹೊಂದಿರುವುದಾಗಿ ತಿಳಿಸಿದ್ದರು.
ಆದರೆ ಈಜಿಪ್ಟ ಅಧ್ಯಕ್ಷ ಮುಬಾರಕ್ ಅವರಿಗೆ ಜೆರುಸಲೇಂಗೆ ಬರುವ ಮನಸ್ಸಿಲ್ಲ, ಮಾತುಕತೆ ನಡೆಸುವುದೂ ಅವರಿಗೆ ಬೇಕಾಗಿಲ್ಲ, ಆ ನಿಟ್ಟಿನಲ್ಲಿ ಅವರು ನರಕಕ್ಕೆ ಹೋಗುವುದು ಒಳ್ಳೆಯದು ಎಂದು ಕಟುವಾಗಿ ಟೀಕಿಸಿದ್ದರು.
ಈ ಟೀಕೆಯ ಹಿನ್ನೆಲೆಯಲ್ಲಿ ಇದೀಗ ಇಸ್ರೇಲ್ ಕ್ಷಮೆ ಯಾಚಿಸಿದ್ದು, ಇಸ್ರೇಲ್ ಅಧ್ಯಕ್ಷ ಒಲ್‌ಮರ್ಟ್ ಅವರು, ಈಜಿಪ್ಟ ಅಧ್ಯಕ್ಷ ತಮ್ಮೊಂದಿಗೆ ಸ್ನೇಹ ಹಸ್ತ ಚಾಚಲಿದ್ದಾರೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ