ಜಗತ್ತಿನ ನೂತನ ಪ್ರಜಾಪ್ರಭುತ್ವ ದೇಶವಾಗಿ ರೂಪು ತಳೆದಿರುವ ಹಿಮಾಲಯನ್ ಕಿಂಗ್‌ಡಮ್ ಭೂತಾನ್ ಹೊಸ ರಾಜನಾಗಿ ಆಕರ್ಷಕ ವ್ಯಕ್ತಿತ್ವ ಹೊಂದಿದ 28ರ ಹರೆಯದ ಆಕ್ಸಫರ್ಡ್ ಪದವೀಧರ ಸಿಂಹಾಸನರೂಢರಾಗಿ ಕಿರೀಟಧಾರಣೆ ಮಾಡಿರುವುದಾಗಿ ಮೂಲಗಳು ತಿಳಿಸಿವೆ.ಪ್ರಪಂಚದ ಉಳಿದೆಲ್ಲ ದೇಶಗಳು ಅಮೆರಿಕ ಚುನಾವಣೆಯಲ್ಲಿ ಜಯಶಾಲಿಯಾಗಿ ಇತಿಹಾಸ ನಿರ್ಮಿಸಿರುವ ಬರಾಕ್ ಹುಸೇನ್ ಒಬಾಮ ಅವರ ಗುಂಗಿನಲ್ಲಿದ್ದ, ಬಳಿಕ ಎಲ್ಲರ ದೃಷ್ಟಿ ಭೂತಾನ್ ಮೇಲೆ ನೆಟ್ಟಿತ್ತು. ಗುರುವಾರ 28ರ ಹರೆಯದ ಜಿಗ್ಮೆ ಖೆಸಾರ್ ನಾಮ್‌‌‌ಗೆಯ್ಲ್ ವಾಂಗ್‌ಚುಕ್ ನೂತನ ರಾಜನಾಗಿ ಅಧಿಕಾರ ಸ್ವೀಕರಿಸುವ ಮೂಲಕ, ಜಗತ್ತಿನ ಅತಿ ಕಿರಿಯ ರಾಜ ಎಂಬ ಹೆಗ್ಗಳಿಕೆಗೆ ಭಾಜನರಾಗಿದ್ದಾರೆ.ತಿಂಫು ಕಣಿವೆಯಲ್ಲಿರುವ ಪುರಾತನವಾದ ಶ್ವೇತವರ್ಣದ ಗೋಡೆ ಹೊಂದಿರುವ ಅರಮನೆಯಲ್ಲಿ ಸಾಂಪ್ರದಾಯಿಕ ವಿಧಿವಿಧಾನಗಳ ಮೂಲಕ ವಾಂಗ್‌ಚುಕ್‌ಗೆ ತಂದೆ ಭೂತಾನ್‌ನ ರಾವೆನ್ ಕ್ರೌನ್ ಅನ್ನು ತೊಡಿಸುವ ಮೂಲಕ ಅಧಿಕಾರ ಹಸ್ತಾಂತರಿಸಿದರು.ಕಳೆದ ಮಾರ್ಚ್ ತಿಂಗಳಲ್ಲಿ ರಾಜಪ್ರಭುತ್ವಕ್ಕೆ ತಿಲಾಂಜಲಿ ಇತ್ತ ಭೂತಾನ್, ಪ್ರಜಾಪ್ರಭುತ್ವ ಮಾದರಿಯಲ್ಲಿ ಚುನಾವಣೆಯನ್ನು ನಡೆಸುವ ಮೂಲಕ ನೂತನ ಸಂಸತ್ ಹಾಗೂ ಪ್ರಧಾನಿಯನ್ನು ಆಯ್ಕೆ ಮಾಡಿತ್ತು. |
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
