ಪೂರ್ವ ಅಫ್ಘಾನಿಸ್ಥಾನದ ಅಮೆರಿಕ ಸೇನಾಪಡೆಯನ್ನು ಗುರಿಯಾಗಿಸಿಕೊಂಡು ಗುರುವಾರ ಆತ್ಮಾಹುತಿದಳ ನಡೆಸಿದ ಬಾಂಬ್ ದಾಳಿಗೆ ಹತ್ತು ಅಫ್ಘಾನ್ ನಾಗರಿಕರು ಬಲಿಯಾಗಿದ್ದು, 55 ಮಂದಿ ಗಾಯಾಗೊಂಡಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಆತ್ಮಾಹುತಿ ಬಾಂಬ್ ದಾಳಿಯು ಪೂರ್ವ ನಂಗರ್ರ್‌ಹರ್ ಪ್ರಾಂತ್ಯದ ರಾಜಧಾನಿಯಾದ ಜಲಾಲ್‌ಬಾದ್‌ನ ಹೊರವಲಯದಲ್ಲಿ ಸಂಭವಿಸಿದೆ.
ಅಫ್ಘಾನ್‌ನಲ್ಲಿ ನೆಲೆನಿಂತಿರುವ ಅಮೆರಿಕ, ಅಫ್ಘಾನ್ ಮತ್ತು ಇತರ ವಿದೇಶಿ ಸೈನ್ಯವನ್ನು ಹತ್ತಿಕ್ಕಲು ತಾಲಿಬಾನ್ ಉಗ್ರಗಾಮಿಗಳು ನಿರಂತರವಾಗಿ ಕಾರ್ ಬಾಂಬ್ ದಾಳಿ ಮತ್ತು ಆತ್ಮಾಹುತಿ ಬಾಂಬ್ ದಾಳಿಯನ್ನು ನಡೆಸುತ್ತಿದೆಯಲ್ಲದೆ, ತನ್ನ ಮುಖ್ಯ ಯುದ್ಧ ತಂತ್ರವನ್ನಾಗಿ ಮಾರ್ಪಾಡುಗೊಳಿಸಿದೆ.
ದಕ್ಷಿಣ ಅಫ್ಘಾನಿಸ್ಥಾನದಲ್ಲಿ ಬುಧವಾರ ದಾಳಿಕೋರರು ಟ್ರಕ್‌ನಲ್ಲಿ ಇರಿಸಲಾಗಿದ್ದ ಬಾಂಬ್‌ವೊಂದು ಸ್ಫೋಟಗೊಂಡು ಆರು ಮಂದಿ ಹತರಾಗಿದ್ದು 42 ಮಂದಿ ಗಾಯಾಗೊಂಡಿದ್ದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ