ನಾಗರಿಕ ಪರಮಾಣು ಘಟಕ ಒಪ್ಪಂದಕ್ಕೆ ಸಂಬಂಧಿಸಿದಂತೆ ಭಾರತ ಮತ್ತು ಕೆನಡ ಸಂಧಾನ ಮಾಡಿಕೊಂಡ ಪರಿಣಾಮ ನಾಗರಿಕ ಅಣ್ವಸ್ತ್ರ ಸ್ಥಾವರಗಳು ಅಭಿವೃದ್ಧಿಗೊಳ್ಳಲಿದೆ ಯೆಂದು ವಿದೇಶಾಂಗ ಕಚೇರಿಯ ಮೂಲಗಳು ತಿಳಿಸಿವೆ.
ಈ ಕುರಿತು ಎರಡು ದೇಶಗಳು ಕಳೆದ ತಿಂಗಳಿನಲ್ಲಿ ಅನೌಪಚಾರಿಕವಾದ ಮೂತುಕತೆಯನ್ನು ನಡೆಸಿದ್ದು, ಔಪಚಾರಿಕವಾದ ಭೇಟಿಗಾಗಿ ಉಭಯ ರಾಷ್ಟ್ರಗಳು ಬಹುಬೇಗನೆ ವೇಳಾಪಟ್ಟಿಯನ್ನು ನಿಗದಿಪಡಿಸಲಿದೆ ಎಂದು ಲಿಸಾ ಮೊನೆಟೆ ತಿಳಿಸಿದರು. ಭಾರತದ ಗಡಿ ಪ್ರದೇಶದಲ್ಲಿನ ಸಮುದಾಯದ ಅಣ್ವಸ್ತ್ರಚಾಲಿತವಾದ ಪರಮಾಣು ಶಕ್ತಿಯ ಮರು ನಿರ್ಮಾಣಕ್ಕೆ ಕೆನಡವು ಪೂರ್ಣ ಬೆಂಬಲವನ್ನು ನೀಡಲಿದೆಯೆಂದು ಅವರು ಭರವಸೆ ನೀಡಿದರು.
ಭಾರತವು ಜವಾಬ್ದಾರಿಯುತವಾದ ಪ್ರಜಾಪ್ರಭುತ್ವ ರಾಷ್ಟ್ರವಾಗಿದ್ದು, ತನ್ನ ಮಹತ್ವದ ಮ‌ೂಲಭೂತ ಹಕ್ಕುಗಳಾದ ಸ್ವಾತಂತ್ರ್ಯ, ಪ್ರಜಾಪ್ರಭುತ್ವ ಮತ್ತು ಮಾನವ ಹಕ್ಕುಗಳನ್ನು ಕೆನಡಾದೊಂದಿಗೆ ಹಂಚಿಕೊಂಡು ನ್ಯಾಯಪರಿಪಾಲನೆಯನ್ನು ಗೌರವಿಸಲಿದೆ ಎಂದು ಅವರು ಹೇಳಿದರು.
ಪ್ರಜಾಪ್ರಭುತ್ವ ಮತ್ತು ಇತರ ಅನೇಕ ವಿಷಯಗಳಲ್ಲಿ ಕೆನಡ ಮತ್ತು ಭಾರತ ಬಹು ದೀರ್ಘಕಾಲದಿಂದ ಸೌಹಾರ್ದತೆಯಿಂದ ಇದ್ದು, ಇದೀಗ ಮತ್ತಷ್ಟು ಸೌಹಾರ್ದತೆಯನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ ಇತ್ತೀಚಿಗಿನ ವರ್ಷಗಳಲ್ಲಿ ಉಭಯ ರಾಷ್ಟ್ರಗಳು ಹೊಂದಾಣಿಕೆಯಿಂದ ಕೆಲಸವನ್ನು ಮುಂದುವರಿಸುತ್ತಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ