ಆಫ್ಘಾನ್‌ನಲ್ಲಿ ನೆಲೆನಿಂತಿರುವ ಫ್ರೆಂಚ್ ಸೈನ್ಯವನ್ನು ಹಿಂತೆಗೆಯದಿದ್ದರೆ ಫ್ರಾನ್ಸ್ ಮೇಲೆ ಭಯೋತ್ಪಾದನಾ ದಾಳಿ ನಡೆಸಲಾಗುವುದು ಎಂದು ತಾಲಿಬಾನ್ ಬೆದರಿಕೆಯ ವೀಡಿಯೋ ಸಂದೇಶವನ್ನು ಸೋಮವಾರ ಅಲ್-ಅರೇಬಿಯಾ ದೂರದರ್ಶನ ಪ್ರಸಾರ ಮಾಡಿದೆ.
ಬೆದರಿಕೆಯ ವೀಡಿಯೋ ಸಂದೇಶವನ್ನು ದುಬೈ ಮೂಲದ ಖಾಸಗಿ ಚಾನೆಲ್‌ವೊಂದು ಪ್ರಸಾರ ಮಾಡಿದೆ. ಆಗಸ್ಟ್‌ನಲ್ಲಿ ಹತ್ತು ಮಂದಿ ಫ್ರೆಂಚ್ ಸೈನಿಕರ ಸಾವಿಗೆ ಕಾರಣವಾದ ಭಯೋತ್ಪಾದನಾ ದಾಳಿಯ ಹೊಣೆಗಾರಿಕೆಯನ್ನು ಈ ಸಂಘಟನೆಯು ಹೊತ್ತಿದೆ.
ತಾಲಿಬಾನ್ ಭಯೋತ್ಪಾದನಾ ಸಂಘಟನೆಯ ನೇತಾರ ಫಾರುಕ್ ಎಂದು ಪರಿಚಯಿಸಿಕೊಂಡಿರುವ ಈತ ವೀಡಿಯೋ ಸಂದೇಶದಲ್ಲಿ ಅರೆಬಿಕ್ ಭಾಷೆಯಲ್ಲಿ ಘೋಷಣೆ ಕೂಗುತ್ತಾ, ಆಫ್ಘಾನ್‌ನಲ್ಲಿದ್ದ ಫ್ರೆಂಚ್ ಸೈನಿಕರನ್ನು ವಾಪಸ್ ಕರೆಯಿಸಿಕೊಳ್ಳದಿದ್ದಲ್ಲಿ ಪ್ಯಾರಿಸ್ ಮುಂದಿನ ಪರಿಣಾಮ ಎದುರಿಸಬೇಕಾದಿತು ಎಂದು ಬೆದರಿಕೆ ಒಡ್ಡಿದೆ.
ದಕ್ಷಿಣ ಕಾಬೂಲ್‌ನಿಂದ 60ಕಿ.ಮೀ.ದೂರದಲ್ಲಿ ಆಗೋಸ್ಟ್ 18ರಂದು ನಡೆದ ದಾಳಿಯಲ್ಲಿ 10ಮಂದಿ ಫ್ರೆಂಚ್ ಸೈನಿಕರು ಸಾವನ್ನಪ್ಪಿದ್ದು, 21ಮಂದಿ ಗಾಯಗೊಂಡಿದ್ದರು, ಈ ದಾಳಿಯ ಹೊಣೆಯನ್ನು ತಾಲಿಬಾನ್ ಹೊತ್ತುಕೊಂಡಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ