ಖ್ಯಾತ ಪಾಪ್ ಗಾಯಕ ಮೈಕೆಲ್ ಜಾಕ್ಸನ್ ಅವರು ಸ್ವ ಇಚ್ಚೆಯಿಂದ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡಿದ್ದು, ತಮ್ಮ ಹೆಸರನ್ನು ಮೈಕೀಲ್ ಎಂದು ಬದಲಾಯಿಸಿಕೊಂಡಿದ್ದಾರೆ.
50ಹರೆಯದ ಖ್ಯಾತ ಗಾಯಕ ಜಾಕ್ಸನ್ ಅವರು ಲಾಸ್ ಏಂಜಲೀಸ್‌ನಲ್ಲಿ ತಮ್ಮ ಆಪ್ತ ಗೆಳೆಯರೊಂದಿಗೆ ಕುರಾನ್ ಸಮಾರಂಭದಲ್ಲಿ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡಿರುವುದಾಗಿ ಸನ್ ವರದಿ ಬಹಿರಂಗಪಡಿಸಿದೆ.
ಇದೀಗ ಸ್ಟಾರ್ ಆಗಿದ್ದ ಜಾಕ್ಸನ್ ಅವರು ಹೊಸ ಧರ್ಮವನ್ನು ಸ್ವೀಕರಿಸಲು ನಿರ್ಧರಿಸಿರುವುದಾಗಿ ವರದಿ ಹೇಳಿದೆ. ಆ ನಿಟ್ಟಿನಲ್ಲಿ ಇಮಾಮ್ ಅವರ ಮೂಲಕ ಸಂಪ್ರದಾಯಬದ್ದವಾಗಿ ಕುರಾನ್ ಪಠಿಸುವ ಮೂಲಕ ಇಸ್ಲಾಂ ಧರ್ಮವನ್ನು ಸ್ವೀಕರಿಸಿರುವುದಾಗಿ ವಿವರಿಸಿದೆ.
ತನಗೆ ಇಸ್ಲಾಂ ಧರ್ಮದ ಬಗ್ಗೆ ನಂಬಿಕೆ ಇರುವುದಾಗಿ ಅಭಿಪ್ರಾಯ ವ್ಯಕ್ತಪಡಿಸಿರುವ ಅವರು, ತಾನು ಮತಾಂತರಗೊಂಡ ನಂತರವೂ ಕೂಡ ಜನರೊಂದಿಗೆ ಮೊದಲಿನಂತೆ ಬೆರೆಯುವುದಾಗಿ ತಿಳಿಸಿದರು.
ಇಮಾಮ್ ಅವರ ಆದೇಶದ ಮೇರೆಗೆ ಮಸೀದಿ ತೆರಳಿದ ಜಾಕ್ಸನ್ ಅವರು, ಅಲ್ಲಾನ ಹೆಸರಲ್ಲಿ ಇಸ್ಲಾಂ ಧರ್ಮವನ್ನು ಸ್ವೀಕರಿಸಿ, ತಮ್ಮ ಹೆಸರನ್ನು ಮೈಕೀಲ್ ಎಂದು ಬದಲಾಯಿಸಿಕೊಂಡಿದ್ದಾರೆ. ಮಿಕೇಲ್ ಎಂಬ ಹೆಸರು ಅಲ್ಲಾನ ಅನುಯಾಯಿಗಳಲ್ಲಿ ಒಬ್ಬರ ಹೆಸರಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ