ಅಮೆರಿಕ ಅಧ್ಯಕ್ಷಿಯ ಚುನಾವಣೆಯಲ್ಲಿ ಪರಾಭವಗೊಂಡಿದ್ದ ರಿಪಬ್ಲಿಕ್ ಸೆನೆಟ್ ಅಭ್ಯರ್ಥಿಯಾದ ಜಾನ್ ಮೆಕೇನ್ ಗಡಿ ಪ್ರದೇಶದ ಪ್ರಯಾಣದ ಭಾಗವಾಗಿ ಡಿಸೆಂಬರ್ ತಿಂಗಳ ಆರಂಭದಲ್ಲಿ ಬಾಂಗ್ಲಾದೇಶಕ್ಕೆ ಭೇಟಿ ನೀಡಲಿದ್ದಾರೆ ಎಂದು ಅಮೆರಿಕ ರಾಯಭಾರಿ ಕಚೇರಿ ಅಧಿಕಾರಿಗಳು ತಿಳಿಸಿದ್ದಾರೆ.
ಮೆಕೇನ್‌ರೊಂದಿಗೆ ಅಮೆರಿಕ ಸೆನೆಟ್‌ನ ಇತರ ಅಭ್ಯರ್ಥಿಗಳಾದ ಜೋಸೆಫ್ ಲಿಬರ್‌ಮ್ಯಾನ್ ಮತ್ತು ಲಿಂಡ್ಸ್‌ಸೆ ಗ್ರಾಹಮ್ ಜೊತೆಯಲ್ಲಿರುವರು. ಈ ವೇಳೆ ಅವರು ಆಡಳಿತ ಬಾಂಗ್ಲಾ ಸರಕಾರದ ಅಧಿಕಾರಿಗಳೊಂದಿಗೆ, ರಾಜಕೀಯ ಪಕ್ಷಗಳ ನೇತಾರರೊಂದಿಗೆ ಮತ್ತು ಸಾಮಾಜಿಕ ನೇತಾರರೊಂದಿಗೆ ದ್ವಿಪಕ್ಷೀಯ ಚರ್ಚೆಯನ್ನು ನಡೆಸಲಿದ್ದಾರೆಂದು ಹೇಳಿದೆ.
ನೂತನ ವೇಳಾಪಟ್ಟಿಯ ಪ್ರಕಾರ ಬಾಂಗ್ಲಾದೇಶ ಸಾರ್ವತ್ರಿಕ ಚುನಾವಣೆಯು ಡಿಸೆಂಬರ್ 29ರಂದು ನಡೆಯಲಿದ್ದು, ಅದಕ್ಕಿಂತ ಮುನ್ನ ಮೆಕೇನ್ ಬಾಂಗ್ಲಾಕ್ಕೆ ಭೇಟಿ ನೀಡಲಿದ್ದಾರೆ.
ಅಮೆರಿಕದಲ್ಲಿ ನವೆಂಬರ್ 4ರಂದು ನಡೆದ ಅಧ್ಯಕ್ಷಿಯ ಚುನಾವಣೆಯಲ್ಲಿ ಡೆಮಾಕ್ರಟ್ ಪಕ್ಷದ ಅಭ್ಯರ್ಥಿ ಬರಾಕ್ ಒಬಾಮಾ ರಿಪಬ್ಲಿಕ್‌ನ ಅಭ್ಯರ್ಥಿಯಾದ ಮೆಕೇನ್‌ನನ್ನು ಪರಾಭವಗೊಳಿಸಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ