ದೇಶದ ವಾಣಿಜ್ಯ ನಗರಿ ಮುಂಬೈಯಲ್ಲಿ ಮೂರು ದಿನಗಳ ಕಾಲ ಉಗ್ರರು ನಡೆಸಿದ ದಾಳಿಗೆ ತತ್ತರಿಸಿ ಹೋದ ಬೆನ್ನಲ್ಲೇ, ಇದೀಗ ಜಗತ್ತಿನ ಸುಮಾರು 20 ಪ್ರಮುಖ ಸ್ಥಳಗಳು 'ಮೋಸ್ಟ್ ಡೇಂಜರಸ್' ಎಂದು ಬ್ರಿಟನ್ ಮಾಧ್ಯಮವೊಂದರ ವರದಿ ತಿಳಿಸಿದೆ.
ಮುಂಬೈಯಲ್ಲಿ ಉಗ್ರರು ನಡೆಸಿದ ದಾಳಿಗೆ ಸುಮಾರು 200ಜನರು ಬಲಿಯಾಗಿದ್ದು, ಜಗತ್ತಿನಲ್ಲಿ ಸುಮಾರು 20ಸ್ಥಳಗಳು ಅತೀ ಅಪಾಯಕಾರಿಯಾಗಿವೆ ಎಂದು ಬ್ರಿಟನ್‌ನ ದಿ ಡೈಲಿ ಟೆಲಿಗ್ರಾಫ್ ವರದಿ ಹೇಳಿದೆ.
ಭಾರತ ಸೇರಿದಂತೆ, ಪಾಕಿಸ್ತಾನ, ಅಫ್ಘಾನಿಸ್ತಾನ, ಇಸ್ರೇಲ್, ಪ್ಯಾಲೆಸ್ತೇನಿಯನ್ ಪ್ರದೇಶ, ಮೆಕ್ಸಿಕೋ, ಥಾಯ್‌ಲ್ಯಾಂಡ್, ದಕ್ಷಿಣ ಆಫ್ರಿಕಾ, ಚೆಚೆನ್ಯಾ, ಜಮೈಕಾ, ಸುಡಾನ್, ಕೊಲೊಂಬಿಯಾ, ಹೈಟಿ, ಎರೆಟ್ರೆಯಾ, ಡೆಮೊಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೊ, ಲಿಬೇರಿಯಾ, ನೈಜಿರಿಯಾ, ಜಿಂಬಾಬ್ವೆ ಹಾಗೂ ಲೆಬನಾನ್ ಈ ಪಟ್ಟಿಯಲ್ಲಿ ಸೇರಿವೆ.
ಮುಂಬೈನಲ್ಲಿ ನಡೆದ ಉಗ್ರರು ನಡೆಸಿದ ದಾಳಿ ಸೇರಿದಂತೆ 20 ದೇಶಗಳನ್ನು ಹೊರತುಪಡಿಸಿ, ಜಗತ್ತಿನ ಉಳಿದ ಭಾಗಗಳು ಸುರಕ್ಷಿತ ಎಂದು ವರದಿ ಅಭಿಪ್ರಾಯ ವ್ಯಕ್ತಪಡಿಸಿದೆ.
ಅದರಲ್ಲೂ ಕೆಲವು ಸ್ಥಳೀಯ ಪ್ರದೇಶಗಳಾದ ಜಮ್ಮು-ಕಾಶ್ಮಿರ(ಲಡಾಕ್) ಹಾಗೂ ಪಾಕಿಸ್ತಾನದ ಗಡಿಭಾಗಗಳು ಉಗ್ರರ ಕರಿನೆರಳಿನಲ್ಲಿರುವುದಾಗಿ ಹೇಳಿದೆ.
ಪಾಕಿಸ್ತಾನದಲ್ಲಿ ನಿರಂತರವಾಗಿ ಹಿಂಸಾಚಾರ, ಆತ್ಮಹತ್ಯಾ ದಾಳಿಗಳು ನಡೆಯುತ್ತಿದ್ದು, ಸೆಪ್ಟೆಂಬರ್ ತಿಂಗಳಿನಲ್ಲಿ ಐಶಾರಾಮಿ ಮಾರಿಯಟ್ ಹೋಟೆಲ್‌ಗೆ ಉಗ್ರರು ದಾಳಿ ನಡೆಸಿದ ಪರಿಣಾಮ 50ಕ್ಕೂ ಅಧಿಕ ಮಂದಿ ಬಲಿಯಾಗಿರುವುದಾಗಿ ವರದಿ ತಿಳಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ