ವಾಯುವ್ಯ ಪಾಕಿಸ್ತಾನದ ಜನನಿಭಿಡ ಮಾರುಕಟ್ಟೆ ಪ್ರದೇಶದಲ್ಲಿ ಶುಕ್ರವಾರ ರಾತ್ರಿ ಸಂಭವಿಸಿದ ಎರಡು ಬಾಂಬ್ ಸ್ಫೋಟಕ್ಕೆ ಕನಿಷ್ಠ 27 ಮಂದಿ ಬಲಿಯಾಗಿದ್ದು, ಅನೇಕ ಮಂದಿ ಗಾಯಾಗೊಂಡಿದ್ದಾರೆ.
ಹಿಂಸಾಚಾರ ಪೀಡಿತ ಅಫ್ಘಾನ್ ಗಡಿಭಾಗದ ಪ್ರಮುಖ ಪೇಶಾವರ ನಗರದ ಮಾರುಕಟ್ಟೆಯಲ್ಲಿ ಪ್ರಬಲ ಬಾಂಬ್ ಅಡಗಿಸಿಟ್ಟಿದ್ದ ಕಾರು ಛಿದ್ರಗೊಂಡ ಪರಿಣಾಮ, ಬಕ್ರೀದ್ ಹಬ್ಬಕ್ಕಾಗಿ ಶಾಪಿಂಗ್ ನಡೆಸುತ್ತಿದ್ದ ಬಹುತೇಕ ಮಂದಿ ಸಾವನ್ನಪ್ಪಿದ್ದಾರೆ.
ಪೇಶಾವರದ ಓರ್‌ಕಝಾಯಿ ಬುಡಕಟ್ಟು ಜಿಲ್ಲೆಯ ಸಮೀಪ ಸಂಭವಿಸಿದ ಕಾರು ಬಾಂಬ್ ಸ್ಫೋಟದಲ್ಲಿ 21 ಮಂದಿ ಸಾವನ್ನಪ್ಪಿದ್ದು, 84ಜನರು ಗಾಯಗೊಂಡಿದ್ದರೆ, ಇದಾದ ಗಂಟೆಗಳ ಬಳಿಕ ಮತ್ತೆ ಸಂಭವಿಸಿದ ಬಾಂಬ್ ಸ್ಫೋಟದಲ್ಲಿ 6ಮಂದಿ ಬಲಿಯಾಗಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಸ್ಫೋಟದ ಹಿಂದೆ ಯಾವುದೇ ಸಂಘಟನೆಗಳು ಇದುವರೆಗೆ ಹೊಣೆಯನ್ನು ಹೊತ್ತಿಲ್ಲ. ಕಳೆದ 16 ತಿಂಗಳಿನಿಂದ ಸಂಭವಿಸುತ್ತಿರುವ ಆತ್ಮಾಹುತಿ ದಾಳಿ ಮತ್ತು ಇತರ ದಾಳಿಯಿಂದಾಗಿ ವಿವಿಧ ಪ್ರದೇಶಗಳಲ್ಲಿ ಈವರೆಗೆ 1,500 ಮಂದಿ ಬಲಿಯಾಗಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ