ಭ್ರಷ್ಟಾಚಾರ ಆರೋಪದ ಮೇಲೆ ಸೆರೆಯಾಗಿರುವ ಇಲಿನೋಯ್ ರಾಜ್ಯಪಾಲ ರೊಡ್ ಬ್ಲಾಗೋಜೆವಿಚ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ನಿಯೋಜಿತ ಅಧ್ಯಕ್ಷ ಬರಾಕ್ ಒಬಾಮ ಆಗ್ರಹಿಸಿದ್ದಾರೆ.
ಈ ಪರಿಸ್ಥಿತಿಯಲ್ಲಿ ರಾಜ್ಯಪಾಲ ರೊಡ್ ಅವರು ಇಲಿನೋಯ್ ಜನತೆಗೆ ಸಮರ್ಪಕ ಸೇವೆ ನೀಡಲು ಸಾಧ್ಯವಿಲ್ಲ ಎಂದು ಬರಾಕ್ ಅವರು ತಿಳಿಸಿರುವುದಾಗಿ ಒಬಾಮ ಅವರ ವಕ್ತಾರ ರೋಬರ್ಟ್ ಗಿಬ್ಸ್ ತಿಳಿಸಿರುವುದಾಗಿ ವಾಷಿಂಗ್ಟನ್ ಪೋಸ್ಟ್ ವರದಿ ವಿವರಿಸಿದೆ.
ಅಮೆರಿಕದ ನಿಯೋಜಿತ ಅಧ್ಯಕ್ಷರಾದ ಬಳಿಕ ಬರಾಕ್ ಒಬಾಮ ಅವರ ಇಲಿನೋಯ್ ಸೆನೆಟ್ ಸೀಟ್ ತೆರವಾಗಿದ್ದು, ಆ ಸ್ಥಾನದ ಟಿಕೆಟ್‌ ಅನ್ನು ರಾಜ್ಯಪಾಲ ರೊಡ್ ಲಂಚಕ್ಕಾಗಿ ಮಾರಾಟ ಮಾಡುತ್ತಿದ್ದಾರೆ ಎಂಬ ಆರೋಪದ ಮೇಲೆ ಮಂಗಳವಾರ ಬಂಧಿಸಲಾಗಿತ್ತು.
ನವೆಂಬರ್ 4ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಬರಾಕ್ ಅಂತಿಮ ಗೆಲವು ಸಾಧಿಸಿದ ಬಳಿಕ, ಇಲಿನೋಯ್‌ನ ತಮ್ಮ ಸೆನೆಟ್ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.
ತನ್ನ ಕ್ಷೇತ್ರವಾದ ಇಲಿನೋಯ್‌ನಲ್ಲಿಯೇ ಭ್ರಷ್ಟಾಚಾರ ಎಸಗಿ ರಾಜ್ಯಪಾಲ ರೊಡ್ ಬಂಧಿತರಾಗಿರುವುದು ತುಂಬಾ ದುಃಖಕರವಾದದ್ದು ಎಂದು ಅಭಿಪ್ರಾಯ ವ್ಯಕ್ತಪಡಿಸಿರುವ ಬರಾಕ್, ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ