ಇಲ್ಲಿನಾಯ್ ರಾಜ್ಯಪಾಲ ಬ್ಲಗೊಜೆವಿಚ್ ಅವರು ಎದುರಿಸುತ್ತಿರುವ ಭ್ರಷ್ಟಾಚಾರ ಪ್ರಕರಣಗಳಲ್ಲಿ ತಮಗೆ ಹಾಗೂ ತಮ್ಮ ಕಚೇರಿಗೆ ಯಾವುದೇ ವಿಧವಾದ ಸಂಬಂಧವಿಲ್ಲ ಎಂದು ಅಮೆರಿಕದ ನಿಯೋಜಿತ ಅಧ್ಯಕ್ಷ ಬರಾಕ್ ಒಬಾಮ ಸ್ಪಷ್ಟನೆ ನೀಡಿದ್ದಾರೆ.
ಇಲ್ಲಿನಾಯ್‌ನಲ್ಲಿ ತೆರವಾಗಿರುವ ಯಾವುದೇ ಹುದ್ದೆಗಳು ವ್ಯಾಪಾರಕ್ಕೆ ಇಲ್ಲ ಹಾಗೂ ತಾವು ಈ ವಿಷಯಕ್ಕೆ ಸಂಬಂಧಿಸಿದಂತೆ ರಾಜ್ಯದ ರಾಜ್ಯಪಾಲ ಬ್ಲಗೊಜೆವಿಚ್ ಅವರೊಂದಿಗೆ ಯಾವುದೇ ಮಾತುಕತೆ ನಡೆಸಿಲ್ಲ ಎಂದು ಚಿಕಾಗೊದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತ ತಿಳಿಸಿದ್ದಾರೆ.
ಒಬಾಮ ಅವರಿಂದ ತೆರವಾದ ಇಲ್ಲಿನಾಯ್ ರಾಜ್ಯದ ಸೆನೆಟ್ ಹುದ್ದೆಯು ಅಲ್ಲಿನ ರಾಜ್ಯದ ಜನತೆಗೆ ಬಿಟ್ಟ ವಿಚಾರ, ಅವರೇ ತಮಗೆ ಬೇಕಾದ ಸೂಕ್ತ ಅಭ್ಯರ್ಥಿಯನ್ನು ಆಯ್ಕೆ ಮಾಡಲಿದ್ದಾರೆ ಎಂದು ಹೇಳಿದ್ದಾರೆ.
ಹತ್ತಾರು ಭ್ರಷ್ಟಾಚಾರ ಪ್ರಕರಣಗಳು ಹಾಗೂ ಒಬಾಮರಿಂದ ತೆರವಾದ ಇಲ್ಲಿನಾಯ್ ಸೆನೆಟ್ ಹುದ್ದೆ ಅಲಂಕರಿಸಲು ಇಚ್ಛಿಸುವವರಿಂದ ಲಂಚ ಪಡೆಯಲು ಯತ್ನಿಸಿದ್ದ ಆರೋಪದ ಮೇರೆಗೆ ಮಂಗಳವಾರ ರಾಜ್ಯಪಾಲ ಬ್ಲಗೊಜೆವಿಚ್ ಅವರನ್ನು ಬಂಧಿಸಿ, ಬಿಡುಗಡೆ ಮಾಡಲಾಗಿತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ