ಲಷ್ಕರೆ-ಎ-ತೊಯ್ಬಾ ಸಂಘಟನೆಯ ಹೊರಸಂಸ್ಥೆ ಜಮಾತ್-ಉದ್-ದಾವಾ ಕೇವಲ ಒಂದು ಧಾರ್ಮಿಕ ಸಂಸ್ಥೆ ಎಂಬ ಪಾಕಿಸ್ತಾನದ ವಾದವನ್ನು ಬುಧವಾರದಂದು ಅಮೆರಿಕ ತಳ್ಳಿ ಹಾಕಿದೆ.
ಅಮೆರಿಕಾ ರಾಷ್ಟ್ರ ಕಾರ್ಯದರ್ಶಿ ಕಾಂಡೊಲೀಸಾ ರೈಸ್, ನ್ಯೂಯಾರ್ಕ್‌ನಲ್ಲಿರುವ ವಿಶ್ವಸಂಸ್ಥೆಯ ಪ್ರಧಾನಕಛೇರಿಯಲ್ಲಿ ಮಾತನಾಡುತ್ತಾ, ಜಮಾತ್-ಉದ್-ದಾವಾ ಖಂಡಿತವಾಗಿಯೂ ಭಯೋತ್ಪಾದನೆಯೊಂದಿಗೆ ನಂಟು ಹೊಂದಿದೆ ಎಂದು ಹೇಳಿದ್ದಾರೆ. ಜಮಾತ್ ಮೇಲೆ ವಿಶ್ವಸಂಸ್ಥೆ ಹೇರಿರುವ ನಿಷೇಧಕ್ಕೆ ಪಾಕಿಸ್ತಾನ ಬದ್ಧವಾಗಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.
ವಿಶ್ವಸಂಸ್ಥೆಯ ನಿಷೇಧದ ನಂತರ ದೇಶಾದ್ಯಂತ ಜಮಾತ್ ಕಾರ್ಯಾಲಯಗಳನ್ನು ಮುಚ್ಚಿ ಕಾರ್ಯಾಚರಣೆ ಆರಂಭಿಸಿದ್ದ ಪಾಕ್, ಒಂದು ವಾರದೊಳಗೆ ಜಮಾತ್ ಕಾರ್ಯ ಚಟುವಟಿಕೆಗಳ ಮೇಲೆ ಹೇರಿದ್ದ ನಿರ್ಬಂಧಗಳನ್ನು ಸಡಿಲಿಸತೊಡಗಿದೆ.
ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಪ್ರದೇಶದಲ್ಲಿ ಬಂಧಿಸಲ್ಪಟ್ಟಿದ್ದ ಲಷ್ಕರೆ ತೊಯ್ಬಾದ ಹೊರಸಂಸ್ಥೆ ಜಮಾತ್‌ನ ನಾಲ್ವರು ಕಾರ್ಯಕರ್ತರನ್ನು ಪಾಕ್ ಅಧಿಕಾರಿಗಳು ಈಗಾಗಲೇ ಬಿಡುಗಡೆಗೊಳಿಸಿದ್ದಾರೆ ಮತ್ತು ಸಂಘಟನೆಯ ಸ್ಥಳೀಯ ಮುಖಂಡ ಮೌಲಾನ ಅಬ್ದುಲ್ ಅಜೀಜ್ ಅಲ್ವಿ ಅವರ ಮನೆಯ ಬಳಿ ನಿಯೋಜಿಸಲ್ಪಟ್ಟಿದ್ದ ಪೊಲೀಸ್ ಗಾರ್ಡ್‌ಗಳನ್ನು ಸಹ ತೆರವುಗೊಳಿಸಲಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ