ಮುಂಬಯಿ ಮೇಲಿನ 26/11 ದಾಳಿಯಲ್ಲಿ ಭೂಗತ ದೊರೆ ದಾವೂದ್ ಇಬ್ರಾಹಿಂ ಸಹ ಭಾಗೀದಾರನಾಗಿದ್ದ ಎಂದು ರಷ್ಯಾದ ಗುಪ್ತಚರ ಇಲಾಖೆ ಹೇಳಿದೆ.
ದಾವೂದ್‌ನ ಡ್ರಗ್ ಜಾಲವನ್ನು ಭಯೋತ್ಪಾದನಾ ದಾಳಿಗೆ ಹಣಕಾಸು ಪೂರೈಸಲು ಬಳಸಿಕೊಳ್ಳಲಾಗಿದೆ ಎಂದು ಹೇಳಿರುವ ರಷ್ಯಾ ಗುಪ್ತಚರ ಇಲಾಖೆ ದಾಳಿಯ ಸಂಚು ರೂಪಿಸುವಲ್ಲಿಯೂ ದಾವೂದ್, ಲಷ್ಕರೆ ಬೆಂಬಲಕ್ಕಿದ್ದ ಎಂದಿದೆ.
ಕರಾಚಿ ಮೂಲದ ಗಾಂಗ್‌ಸ್ಟರ್ ಮತ್ತು ನಿಷೇಧಿತ ಉಗ್ರ ಸಂಘಟನೆಯ ಪ್ರಥಮ ಜಂಟಿ ಕಾರ್ಯಾಚರಣೆ ಎನ್ನಲಾದ ಮುಂಬಯಿ ದಾಳಿ ಸಂಘಟಿಸಲು ಕೋಲಾಬ ಮೂಲದ ಬುಸಿನೆಸ್ ಮ್ಯಾನ್ ಎಂದು ಶಂಕಿಸಲಾಗಿರುವ ದಾವೂದ್‌ನ ನೆಚ್ಚಿನ ಬಂಟ, ಲಷ್ಕರೆ ತೊಯ್ಬಾಗೆ ಸ್ಪೋಟಕ ಮತ್ತು ಶಸ್ತ್ರಾಸ್ತೃಗಳನ್ನು ಪೂರೈಸಿದ್ದ ಎಂದು ಈ ಹಿಂದೆ ವರದಿಯಾಗಿತ್ತು.
ಮುಂಬಯಿ ದಾಳಿಯ ಸಂದರ್ಭ ಬಂದಿಸಲ್ಪಟ್ಟಿರುವ ಏಕೈಕ ಉಗ್ರ ಅಜ್ಮಲ್ ಅಮೀರ್, ಮುಂಬಯಿಯಲ್ಲಿ ಹಲವಾರು ಕಸ್ಟಮ್ ಕ್ಲೀಯರಿಂಗ್ ಸಂಸ್ಥೆಗಳನ್ನು ನಡೆಸುತ್ತಿರುವ ದಾವೂದ್ ಸಹಚರ ತಾವು ಮುಂಬಯಿ ಗೇಟ್ ತಲುಪಲು ಬೋಟ್‌ಗಳ ವ್ಯವಸ್ಥೆ ಮಾಡಿದ್ದ ಎಂದು ತನಿಖಾಗಾರರಿಗೆ ತಿಳಿಸಿದ್ದಾನೆ ಎಂದು ಮೂಲಗಳು ತಿಳಿಸಿವೆ.
ಮುಂಬಯಿ ದಾಳಿಯಲ್ಲಿ ಪಾಕಿಸ್ತಾನದ ಭೂಗತ ದೊರೆ ದಾವೂದ್ ಇಬ್ರಾಹಿಂನ ಭಾಗೀದಾರಿಕೆಯನ್ನು ತಳ್ಳಿಹಾಕುವಂತಿಲ್ಲ ಎಂದು ಆರಂಬಿಕ ತನಿಖೆಯ ನಂತರ ಮುಂಬಯಿ ಪೊಲೀಸರು ಹೇಳಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ