ಮುಂಬಯಿ ದಾಳಿ ಹಿನ್ನಲೆಯಲ್ಲಿ ಭಾರತ ಮತ್ತು ಪಾಕಿಸ್ತಾನಗಳ ನಡುವೆ ಉಂಟಾಗಿರುವ ಪ್ರಕ್ಷುಬ್ಧತೆಯ ನಡುವೆ ಪಾಕಿಸ್ತಾನದ ವಾಯುಸೇನೆ ಸೋಮವಾರ ಅಭ್ಯಾಸ ನಡೆಸಿದೆ, ಇದರಿಂದ ಎರಡು ನಾಗರೀಕ ವಿಮಾನಗಳ ಹಾರಾಟ ವಿಳಂಬವಾಯಿತು.
ಪಾಕಿಸ್ತಾನದ ವಾಯುಸೇನೆ ಅಭ್ಯಾಸ ನಡೆಸಿದ್ದರಿಂದ ನಮ್ಮ ಎರಡು ವಿಮಾನಗಳ ಹಾರಾಟ ವಿಳಂಬವಾಯಿತು ಎಂದು ಪಾಕಿಸ್ತಾನ ಅಂತಾರಾಷ್ಟ್ರೀಯ ಏರ್ಲೈನ್ಸ್ ಮುಖ್ಯಸ್ಥ ಮೆಹಮೂದ್ ಲತೀಫ್ ಹೇಳಿದ್ದಾರೆ.
ಭಾರತ ಗಡಿರೇಖೆಯ ಬಳಿ ಇರುವ ಲಾಹೋರ್ ವಿಮಾನ ನಿಲ್ದಾಣದಲ್ಲಿ ನಾಗರೀಕ ವಿಮಾನಗಳ ಹಾರಾಟ ವಿಳಂಬವಾಯಿತು ಎಂದು ಲತೀಫ್ ಹೇಳಿದ್ದಾರೆ ಮತ್ತು ದೇಶದ ವಿಮಾನ ನಿಲ್ದಾಣಗಳಲ್ಲಿ ಹೈ ಅಲರ್ಟ್ ಜಾರಿ ಮಾಡಲಾಗಿದೆ ಎಂಬ ಪಾಕ್ ಟಿವಿ ಚಾನೆಲ್ ಒಂದರ ವರದಿಯನ್ನು ಅವರು ಅಲ್ಲಗೆಳೆದಿದ್ದಾರೆ. |