ಅಮೆರಿಕದ ಅಧ್ಯಕ್ಷ ಪಟ್ಟ ಏರಲು ಸಿದ್ದವಾಗಿರುವ ಬರಾಕ್ ಒಬಾಮ ಅವರು ಮುಂದಿನ ಬಾರಿಗೂ ಕೂಡ ಅಧ್ಯಕ್ಷ ಗಾದಿಗೆ ಏರಲಿದ್ದಾರೆ ಎಂದು ಮ್ಯಾನ್ಮಾರ್‌ನ ಖ್ಯಾತ ಜ್ಯೋತಿಷಿಯೊಬ್ಬರು ಭವಿಷ್ಯ ನುಡಿದಿದ್ದು, ಅವರು ಎಲ್ಲಾ ಹತ್ಯಾ ಸಂಚಿನಿಂದ ಪಾರಾಗಲಿದ್ದಾರೆ ಎಂಬುದಾಗಿಯೂ ಹೇಳಿದ್ದಾರೆ.ಬರಾಕ್ ಅವರು ಎರಡನೇ ಬಾರಿಯೂ ಖಚಿತವಾಗಿಯೂ ಮರು ಆಯ್ಕೆಯಾಗುತ್ತಾರೆ ಎಂದು ಜ್ಯೋತಿಷಿ ಸಾನ್ ಜಾರ್ನಿ ಬೋ (53) ಹೇಳಿದ್ದಾರೆ. ಬೋ ಮ್ಯಾನ್ಮಾರ್ ಎಫ್‌ಎಂ ರೇಡಿಯೊದಲ್ಲಿ ದಿನ ಭವಿಷ್ಯ ನುಡಿಯುವ ಸಂದರ್ಭದಲ್ಲಿ ಬರಾಕ್ ಜನ್ಮಕುಂಡಲಿ ಕುರಿತು ಪ್ರಸ್ತಾಪಿಸುತ್ತ ಅವರ ಜಾತಕ ಬಿಚ್ಚಿಟ್ಟಿದ್ದಾರೆ.ಅವರ ಜನ್ಮಕುಂಡಲಿ ಲೆಕ್ಕಚಾರದಂತೆ, ಒಬಾಮ ಹುಟ್ಟಿದ್ದು ಆಗೋಸ್ಟ್ 4, ಅಂದರೆ ಒಬಾಮ ನೇತೃತ್ವದಲ್ಲಿ ದೇಶ ಅಭಿವೃದ್ದಿ ಪಥದಲ್ಲಿ ಸಾಗುತ್ತದೆ ಎಂದಿದ್ದಾರೆ.ಇಷ್ಟೆಲ್ಲಾ ಆದರೂ ಬರಾಕ್ ಅವರ ನಕ್ಷತ್ರ, ಜನ್ಮಕುಂಡಲಿ ತಾಳೆ ನೋಡಿದ ಅವರು ಗಂಭೀರ ಎಚ್ಚರಿಕೆಯನ್ನೂ ನೀಡಿದ್ದು, 2009, 2010 ಹಾಗೂ 2013ರಲ್ಲಿ ಹತ್ಯಾ ಪ್ರಯತ್ನ ನಡೆಯಲಿದೆ ಎಂದಿದ್ದಾರೆ !. ಆದರೆ ಅವರ ಮೇಲಿನ ಕೊಲೆ ಸಂಚು ವಿಫಲವಾಗಲಿದೆ ಎಂಬುದಾಗಿಯೂ ನುಡಿದಿದ್ದಾರೆ.ಬರಾಕ್ ಅವರ ನಕ್ಷತ್ರ, ರಾಶಿ ಫಲ ಆಧಾರದಲ್ಲಿ ಹೇಳುವುದಾದರು ಕೂಡ, ಅವರ ಮೇಲಿನ ಎಲ್ಲಾ ಹತ್ಯಾ ಪ್ರಯತ್ನಗಳು ವಿಫಲವಾಗಲಿದೆ. ಏತನ್ಮಧ್ಯೆ ತಾನು ಅವರ ಕೈಯನ್ನು (ಅಂಗೈಶಾಸ್ತ್ರ) ನೋಡದೆ ಈ ಬಗ್ಗೆ ಖಚಿತವಾಗಿ ಹೇಗೆ ಹೇಳಲಿ ಎಂದು ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
