ಮುಖ್ಯ ಪುಟ > ಸುದ್ದಿ ಜಗತ್ತು > ಸುದ್ದಿಗಳು > ಅಂತಾರಾಷ್ಟ್ರೀಯ > ಅಮೆರಿಕ ಅಧ್ಯಕ್ಷೀಯ ಪದಗ್ರಹಣ: ಕುತೂಹಲಕರ ಹಿನ್ನೋಟ
ಸಲಹೆ/ಪ್ರತಿಕ್ರಿಯೆಮಿತ್ರನಿಗೆ ಕಳುಹಿಸಿಈ ಪುಟ ಮುದ್ರಿಸಿ
 
ಅಮೆರಿಕ ಅಧ್ಯಕ್ಷೀಯ ಪದಗ್ರಹಣ: ಕುತೂಹಲಕರ ಹಿನ್ನೋಟ
ಬರಾಕ್ ಹುಸೇನ್ ಒಬಾಮ ಅವರು 44 ರಾಷ್ಟ್ರಪತಿಗಳ ಸಾಲಿನಲ್ಲಿ ಮಂಗಳವಾರ ಅಮೆರಿಕದ ಮೊದಲ ಆಫ್ರಿಕನ್-ಅಮೆರಿಕನ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಕಳೆದ ಎರಡು ಶತಮಾನಗಳಲ್ಲಿ "ಅಧ್ಯಕ್ಷೀಯ ಉದ್ಘಾಟನಾ" (ರಾಷ್ಟ್ರಪತಿ ಪದಗ್ರಹಣ ಸಮಾರಂಭವನ್ನು ಹೀಗಂತ ಅಮೆರಿಕನ್ನರು ಹೇಳುತ್ತಾರೆ) ಕಾರ್ಯಕ್ರಮಗಳ ಕುರಿತು ಹಿನ್ನೋಟ ಹರಿಸಿದರೆ, ಅಪರೂಪದ ವಿಷಯಗಳು ತಿಳಿಯುತ್ತವೆ. ಅವುಗಳನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ:

* 44ನೇ ರಾಷ್ಟ್ರಪತಿ ಒಬಾಮ ಅವರ ಪದಸ್ವೀಕಾರ ಸಮಾರಂಭವು ಔಪಚಾರಿಕವಾಗಿ ನಡೆಯುತ್ತಿರುವ 56ನೇ ಸಮಾರಂಭ. 15 ರಾಷ್ಟ್ರಪತಿಗಳು ಇದುವರೆಗೆ ಎರಡನೇ ಅವಧಿಗೆ ಆಯ್ಕೆಯಾಗಿದ್ದರು ಮತ್ತು ರೂಸ್‌ವೆಲ್ಟ್ ಅವರಂತೂ ನಾಲ್ಕು ಬಾರಿ ಈ ಪದವಿಗೆ ನೇಮಕಗೊಂಡಿದ್ದರು.

* ಜಾರ್ಜ್ ವಾಷಿಂಗ್ಟನ್ ಅವರು ಅತ್ಯಂತ ಕಿರಿಯ ಪದಗ್ರಹಣ ಭಾಷಣ ಮಾಡಿದ್ದರು (1793ರಲ್ಲಿ ಕೇವಲ 135 ಶಬ್ದಗಳು).

* ವಿಲಿಯಂ ಹ್ಯಾರಿಸನ್ ಅವರು ಸುದೀರ್ಘವಾದ ಪದಗ್ರಹಣ ಭಾಷಣ ಮಾಡಿದ್ದರು (1841ರಲ್ಲಿ 8,445 ಶಬ್ದಗಳು).

* ಥೋಮಸ್ ಜೆಫರ್‌ಸನ್ ಅವರು ಪದಗ್ರಹಣ ಸಮಾರಂಭಕ್ಕೆ ನಡೆದೇ ಬಂದ ಮತ್ತು ಹೋದ ಏಕೈಕ ರಾಷ್ಟ್ರಪತಿ ಮತ್ತು ಕ್ಯಾಪಿಟಲ್‌ನಲ್ಲಿ (1801) ಪದ ಸ್ವೀಕರಿಸಿದ ಮೊದಲ ರಾಷ್ಟ್ರಪತಿಯೂ ಹೌದು.

* ಮೊದಲ ಬಾರಿಗೆ ಪದಗ್ರಹಣದ ಔತಣ ಕೂಟ ಏರ್ಪಡಿಸಲಾಗಿದ್ದು ಜೇಮ್ಸ್ ಮ್ಯಾಡಿಸನ್ ಅವರಿಗೆ (1809).

* ತಮ್ಮ ಪೆರೇಡ್‌ನಲ್ಲಿ ಮೊದಲ ಬಾರಿಗೆ ಆಫ್ರಿಕನ್-ಅಮೆರಿಕನ್ನರನ್ನು ಸೇರಿಸಿಕೊಂಡ ಮೊದಲ ರಾಷ್ಟ್ರಪತಿ ಅಬ್ರಹಾಂ ಲಿಂಕನ್ (1865).

* ವೂಡ್ರೋ ವಿಲ್ಸನ್‌ರ ಎರಡನೇ ಬಾರಿ ಅಧಿಕಾರ ಸ್ವೀಕರಿಸುವ ಕಾರ್ಯಕ್ರಮದಲ್ಲಿ ಮೊದಲ ಬಾರಿಗೆ ಪದಗ್ರಹಣ ಪೆರೇಡ್‌ನಲ್ಲಿ ಮಹಿಳೆಯರನ್ನು ಸೇರಿಸಿಕೊಳ್ಳಲಾಯಿತು (1917).

* ಪದಗ್ರಹಣ ಸಮಾರಂಭಕ್ಕೆ ತಮ್ಮ ಕಾರಿನಲ್ಲಿ ಆಗಮಿಸಿದ ಮೊದಲ ರಾಷ್ಟ್ರಪತಿ ವಾರೆನ್ ಹಾರ್ಡಿಂಗ್ (1921).

* ರೇಡಿಯೋದಲ್ಲಿ ಪ್ರಸಾರವಾದ ಮೊದಲ ಅಧ್ಯಕ್ಷೀಯ ಪದಗ್ರಹಣ ಕಾರ್ಯಕ್ರಮವೆಂದರೆ ಕೆಲ್ವಿನ್ ಕೂಲಿಡ್ಜ್ ಅವರದು (1925).

* ಎರಡನೇ ವಿಶ್ವಯುದ್ಧದ ಕಾರಣದಿಂದಾಗಿ ಅನಿಲ ಮತ್ತು ಮರಮಟ್ಟುಗಳ ಕೊರತೆಯಿಂದಾಗಿ ಫ್ರಾಂಕ್ಲಿನ್ ರೂಸ್‌ವೆಲ್ಟ್‌ರ ನಾಲ್ಕನೇ ಪದಗ್ರಹಣ ಸಮಾರಂಭದ ಪೆರೇಡ್ ಅನ್ನು ರದ್ದುಗೊಳಿಸಬೇಕಾಗಿ ಬಂದಿತ್ತು (1945).

* ದೂರದರ್ಶನದಲ್ಲಿ ಪದಗ್ರಹಣ ಸಮಾರಂಭದ ನೇರ ಪ್ರಸಾರ ಅವಕಾಶ ಪಡೆದ ಮೊದಲ ರಾಷ್ಟ್ರಪತಿ ಹ್ಯಾರಿ ಟ್ರೂಮನ್ (1945).

* ವರ್ಣಮಯ ದೂರದರ್ಶನದಲ್ಲಿ ಪದಗ್ರಹಣ ಸಮಾರಂಭದ ನೇರ ಪ್ರಸಾರ ಪಡೆದ ಮೊದಲ ಅಧ್ಯಕ್ಷ ಜಾನ್ ಕೆನಡಿ (1961).

* ಅಧಿಕೃತ ಪದಗ್ರಹಣ ಸಮಾರಂಭದಲ್ಲಿ ಕಾಣಿಸಿಕೊಂಡ ಮೊದಲ ಕವಿ ರಾಬರ್ಟ್ ಫ್ರಾಸ್ಟ್ (1961ರಲ್ಲಿ ಜಾನ್ ಕೆನಡಿ ಪದಗ್ರಹಣ).

* ಮಹಿಳೆಯೊಬ್ಬರಿಂದ ಅಧಿಕಾರದ ಪ್ರಮಾಣವಚನ ಸ್ವೀಕರಿಸಿದ ಏಕೈಕ ರಾಷ್ಟ್ರಪತಿ ಲಿಂಡನ್ ಜಾನ್ಸನ್ (1963ರಲ್ಲಿ ಅಮೆರಿಕ ಜಿಲ್ಲಾ ನ್ಯಾಯಾಧೀಶೆ ಸಾರಾ ಹ್ಯೂಗ್ಸ್ ಅವರಿಂದ).

* ಬಿಲ್ ಕ್ಲಿಂಟನ್ ಅವರ ಎರಡನೇ ಅಧಿಕಾರಗ್ರಹಣ ಕಾರ್ಯಕ್ರಮವು ಇಂಟರ್ನೆಟ್‌ನಲ್ಲಿಯೂ ಪ್ರಸಾರವಾದ ಮೊದಲ ಕಾರ್ಯಕ್ರಮ (1997).

* ತಮ್ಮ ಎರಡನೇ ಪದಗ್ರಹಣ ಸಮಾರಂಭದಲ್ಲಿ ಜಾರ್ಜ್ ಡಬ್ಲ್ಯು ಬುಷ್ ಅವರು 20ಕ್ಕೂ ಹೆಚ್ಚು ಬಾರಿ 'ಫ್ರೀಡಂ' (ಸ್ವಾತಂತ್ರ್ಯ) ಪದವನ್ನು ಉಚ್ಚರಿಸಿದ್ದರು (2005).
 Play Free Online Games  Click Here
 Blogs, Videos and More  Click Here
 Send Musical and Animated Cards  Click Here
 Simple, Fast & Free Email Service  Click Here
ಸಂಬಂಧಿತ ಮಾಹಿತಿ ಹುಡುಕಿ
ಮತ್ತಷ್ಟು
ಒಬಾಮಗೆ ಜಾರ್ಜ್‌ಬುಷ್ 'ರಹಸ್ಯ ಪತ್ರ'
ಒಬಾಮ ಪ್ರಥಮ ದಿನ: ಮಿಲಿಟರಿ ಅಧಿಕಾರಿಗಳ ಜತೆ ಚರ್ಚೆ
ಭಯೋತ್ಪಾದನೆ ಬಗ್ಗು ಬಡಿಯುತ್ತೇವೆ: ಒಬಾಮ
ಎಲ್ಲ ಧರ್ಮದವರನ್ನೂ ಅಮೆರಿಕ ಪ್ರೀತಿಸುತ್ತದೆ: ಬರಾಕ್
ಸ್ವಾತಂತ್ರ್ಯದ ಹೊಸ ಹುಟ್ಟಿಗೆ ಒಬಾಮ ನಾಂದಿ
ತನಿಖೆ ವಿಳಂಬ ಸಾಧ್ಯತೆ