ವಾಯುವ್ಯ ಪಾಕಿಸ್ತಾನದಲ್ಲಿ ಗುರುವಾರ ನಡೆದ ಘಟನೆಯೊಂದರಲ್ಲಿ, ಮಹಿಳೆಯರಿಗೆ ಪ್ರವೇಶಾವಕಾಶ ನೀಡಿದ್ದಕ್ಕಾಗಿ 17ನೇ ಶತಮಾನದ ಸೂಫಿ ಸಂತನ ಸಮಾಧಿಯೊಂದಕ್ಕೆ ಉಗ್ರರು ಬಾಂಬ್ ದಾಳಿ ನಡೆಸಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ಮತ್ತು ಅಧಿಕಾರಿಗಳು ತಿಳಿಸಿದ್ದಾರೆ.
ಅಫ್ಘಾನ್ ಗಡಿಪ್ರದೇಶಕ್ಕೆ ತಾಗಿಕೊಂಡಿರುವ ಪಾಕಿಸ್ತಾನದ ವಾಯುವ್ಯ ಪೇಶಾವರದಲ್ಲಿರುವ ಪ್ರಖ್ಯಾತ ಪಾಸ್ಟ್ರೊ ಕವಿ ರೆಹಮಾನ್ ಬಾಬಾ ಎಂಬವರ ಸಮಾಧಿ ಸ್ಥಳಕ್ಕೆ ಬಾಂಬ್ ದಾಳಿಯನ್ನು ಸಂಘಟಿಸಲಾಗಿದೆ ಎಂದು ಹೇಳಲಾಗಿದೆ.
ಬಾಂಬ್ ದಾಳಿಯಿಂದಾಗಿ ಸಮಾಧಿಗೆ ಹಾನಿಯುಂಟಾಗಿದ್ದು, ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲವೆಂದು ಪೊಲೀಸರು ತಿಳಿಸಿದ್ದಾರೆ.
ಬಾಬಾ ಸಮಾಧಿಗೆ ಬಾಂಬ್ ದಾಳಿ ನಡೆದಿದೆ ಎಂಬ ವರದಿ ಹರಡುತ್ತಲೇ ನೂರಾರು ಮಂದಿ ಬಾಬಾರ ಬೆಂಬಲಿಗರು ಹಿಂಸಾಚಾರಕ್ಕೆ ತಿರುಗಿದ್ದಾರೆಂದು ವರದಿಯಾಗಿದೆ.
ಇಂತಹ ದಾಳಿಯಿಂದಾಗಿ ಉಗ್ರಗಾಮಿಗಳು ಸರಕಾರದ ಮೇಲೆ ಯಾವುದೇ ಒತ್ತಡ ಹೇರುವುದು ಮಾಡಲು ಸಾಧ್ಯವಾಗದು ಮತ್ತು ಸಮಾಧಿ ಸ್ಥಳವನ್ನು ಶೀಘ್ರದಲ್ಲಿಯೇ ಪುನರ್ ರಚಿಸಲಾಗುವುದು ಎಂದು ಪ್ರಾಂತೀಯ ಸಚಿವ ಬಶೀರ್ ಬಿಲೌರ್ ವರದಿಗಾರರಿಗೆ ತಿಳಿಸಿದ್ದಾರೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ