ಟಿಬೆಟ್‌ಗೆ ಕಾನೂನುಬದ್ಧ ಮತ್ತು ಅರ್ಥಪೂರ್ಣ ಸ್ವಾಯತ್ತತೆ ನೀಡಬೇಕೆಂದು ಟಿಬೆಟ್ ಧಾರ್ಮಿಕ ಗುರು ದಲೈಲಾಮಾ ತಮ್ಮ ಬೇಡಿಕೆಯನ್ನು ಪುನರಾವರ್ತಿಸಿದ್ದಾರೆ. ಚೀನಾದ ಆಡಳಿತದ ವಿರುದ್ದ ವಿಫಲ ಬಂಡಾಯದ 50ನೇ ವರ್ಷಾಚರಣೆಯಂದು ಅವರ ಸಂದೇಶ ಹೊರಬಿದ್ದಿದೆ.
ಚೀನಾದಿಂದ ಸ್ವಾತಂತ್ರ್ಯ ಪಡೆಯುವುದು ತಮ್ಮ ಹೋರಾಟದ ಗುರಿಯಲ್ಲ ಎಂದು ಹೇಳಿದ ದಲೈಲಾಮಾ, ಟಿಬೆಟ್‌ನಲ್ಲಿ ಭಯಭೀತ ವಾತಾವರಣವನ್ನು ಚೀನಾ ಸೃಷ್ಟಿಸುತ್ತಿದೆಂದು ಆರೋಪಿಸಿದರು. ನೂರಾರು, ಸಾವಿರಾರು ಟಿಬೆಟನ್ನರ ಹತ್ಯೆ ಮಾಡಲಾಗಿದೆ. ಸಾವಿರಾರು ಪೂಜಾ ಸ್ಥಳಗಳನ್ನು ಚೀನಾ ನಾಶ ಮಾಡಿದೆಯೆಂದು ಅವರು ಟೀಕಿಸಿದರು.
ಲಾಸಾದಲ್ಲಿ ಚೀನಾದ ಪಡೆಗಳ ವಿರುದ್ಧ ರಕ್ತಪಾತದ ಬಂಡಾಯ ನಡೆದು 50 ವರ್ಷಗಳು ಕಳೆದಿರುವ ನೆನಪಿಗಾಗಿ ದಲೈಲಾಮಾ ಸಂದೇಶ ನೀಡಿದ್ದಾರೆ. ನಾವು ಟಿಬೆಟನ್ನರು ಕಾನೂನುಬದ್ಧ ಮತ್ತು ಅರ್ಥಪೂರ್ಣ ಸ್ವಾಯತ್ತತೆ ನಿರೀಕ್ಷಿಸಿದ್ದೇವೆ. ಇದು ಚೀನಾ ಗಣರಾಜ್ಯದ ಚೌಕಟ್ಟಿನಲ್ಲಿ ವಾಸಿಸಲು ಟಿಬೆಟಿಯನ್ನರಿಗೆ ವ್ಯವಸ್ಥೆ ಮಾಡಿದಂತಾಗುತ್ತದೆಂದು ಗಡೀಪಾರಾದ ನಾಯಕ ತಿಳಿಸಿದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ