ಭಾರತದ ಸ್ವಾತಂತ್ರ್ಯಕ್ಕಾಗಿ ಕೆಲವು ದಶಕಗಳ ಕಾಲ ಬ್ರಿಟಿಷರ ವಿರುದ್ದ ಅಹಿಂಸಾ ಚಳವಳಿ ನಡೆಸಿದ ಮಹಾತ್ಮಾ ಗಾಂಧಿಯ ತತ್ವಾದರ್ಶ ರಕ್ತಪಾತದಿಂದ ಕಂಗೆಟ್ಟಿರುವ ಪ್ಯಾಲೆಸ್ತೇನಿಯನ್‌‌ರಿಗೂ ಆಪ್ತವಾಗತೊಡಗಿದ್ದು, ಪ್ಯಾಲೆಸ್ತೇನ್‌ನ ಉತ್ತರ ವೆಸ್ಟ್ ಬ್ಯಾಂಕ್‌ನ 50ಹಳ್ಳಿಗಳು ಇಸ್ರೇಲ್ ಸಾಮಾಗ್ರಿಗಳನ್ನು ಬಹಿಷ್ಕರಿಸುವ ಪ್ರಚಾರ ಕಾರ್ಯದಲ್ಲಿ ತೊಡಗಿಕೊಂಡಿವೆ.
ಗಾಂಧಿ ತತ್ವದ ಅಹಿಂಸಾ ಮಾರ್ಗದ ಫಲಿತಾಂಶದಿಂ ಬದಲಾವಣೆ ತುಂಬಾ ನಿಧಾನ ಎಂಬುದನ್ನು ನಾವು ಅರಿತಿದ್ದೇವೆ. ಹಾಗಾಗಿ ಬ್ರಿಟಿಷರ ವಿರುದ್ಧ ಗಾಂಧಿ ಕೈಗೊಂಡ ಉಪ್ಪಿನ ಸತ್ಯಾಗ್ರಹದಂತೆ ನಾವು ಕೂಡ ಅಹಿಂಸಾ ಪ್ರತಿಭಟನೆ ನಡೆಸುವುದಾಗಿ ಪಾಪ್ಯುಲರ್ ಕಮಿಟಿಯ ಅಧ್ಯಕ್ಷ ಖಾಲಿದ್ ಮನ್ಸೂರ್ ತಿಳಿಸಿರುವುದಾಗಿ ಪ್ಯಾಲೆಸ್ತೇನಿಯನ್ ನ್ಯೂಸ್ ಏಜೆನ್ಸಿ ಹೇಳಿದೆ.
ಪ್ರತಿವರ್ಷ ಇಸ್ರೇಲ್‌ನಿಂದ 2.6ಬಿಲಿಯನ್‌‌ನಷ್ಟು ಸಾಮಾಗ್ರಿಗಳನ್ನು ಪ್ಯಾಲೆಸ್ತೇನ್ ಬಳಸುತ್ತಿರುವುದಾಗಿ ಮನ್ಸೂರ್ ತಿಳಿಸಿದ್ದಾರೆ. ಅಲ್ಲದೇ 30ಮಿಲಿಯನ್‌ಷ್ಟು ಔಷಧಗಳನ್ನು ಪ್ಯಾಲೆಸ್ತೇನ್ ಬಳಸುತ್ತದೆ. 10ಮಿಲಿಯನ್ ಚಿನ್ನಾಭರಣಗಳನ್ನು ಪ್ರತಿವರ್ಷ ಇಸ್ರೇಲ್ ಉತ್ಪಾದಿಸುತ್ತದೆ ಎಂದು ತಿಳಿಸಿದರು.
ಆ ನಿಟ್ಟಿನಲ್ಲಿ ನಾವು ಇಸ್ರೇಲ್‌ನ ವಸ್ತುಗಳನ್ನು ಬಹಿಷ್ಕರಿಸುವ ಕುರಿತು 50 ಹಳ್ಳಿಗಳಲ್ಲಿ ಪ್ರಚಾರ ಕಾರ್ಯ ನಡೆಸುವುದಾಗಿ ತಿಳಿಸಿದ ಮನ್ಸೂರ್, ಈ ಬಗ್ಗೆ ಶಾಲೆಗಳಲ್ಲೂ ಅರಿವು ಮೂಡಿಸುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು ಎಂದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ