ಇಲ್ಲಿನ ನ್ಯಾಯಾಂಗವು ಒಂದು ಹೆಜ್ಜೆ ಮುಂದೆ ಹೋಗಿದ್ದು, ಪ್ರಥಮ ಮಹಿಳಾ ನ್ಯಾಯಾಧೀಶರನ್ನು ನೇಮಿಸಿದೆ. ದುಬೈ ಕೋರ್ಟ್‌ಗಳಲ್ಲಿ ಕೆಲಸ ಮಾಡಲು ಪ್ರಥಮ ಮಹಿಳಾ ನ್ಯಾಯಾಧೀಶರಾಗಿ ಎಬ್ಟಿಸಂ ಅಲಿ ರಷೀದ್ ಅಲ್ ಬೆಡ್ವಾವಿ ಪ್ರಮಾಣ ವಚನ ಸ್ವೀಕರಿಸಿದರು.
ಶರಿಯದಲ್ಲಿ ಪದವಿ ಮತ್ತು ಯುಎಇ ವಿವಿಯ ಕಾನೂನು ಪದವಿ ಪಡೆದಿರುವ 27 ವರ್ಷ ವಯಸ್ಸಿನ ಅಲ್ ಬೆಡ್ವಾವಿ, ನಾಲ್ವರು ನ್ಯಾಯಾಧೀಶರ ಜತೆ ಗುರುವಾರ ಪ್ರಮಾಣವಚನ ಸ್ವೀಕರಿಸಿದರು.
ಯುಎಇಯ ಪ್ರಧಾನಮಂತ್ರಿ ಮತ್ತು ದುಬೈ ಆಡಳಿತಗಾರ ಶೇಖ್ ಮೊಹಮದ್ ಬಿನ್ ರಷೀದ್ ದುಬೈ ಕೋರ್ಟ್‌ನಲ್ಲಿ ಪ್ರಥಮ ನ್ಯಾಯಾಧೀಶೆಯಾಗಿ ಇಬ್ಟಿಸಮ್ ಬಡ್‌ವಾವಿಯನ್ನು ಸ್ವಾಗತಿಸಿದ್ದು, ಅವರ ಸದೃಢ ವೃತ್ತಿಜೀವನದ ಆಯ್ಕೆಯನ್ನು ಶ್ಲಾಘಿಸಿದ್ದಾರೆ. ಈ ಹೆಜ್ಜೆಯಿಂದ ಮಹಿಳಾ ಪದವೀಧರರು ನ್ಯಾಯಾಂಗ ಸೇರಲು ದಾರಿ ಸುಗಮವಾಗುತ್ತದೆಂದು ಅವರು ಹೇಳಿದ್ದಾರೆ.
ನೂತನ ನ್ಯಾಯಾಧೀಶರನ್ನು ಅಭಿನಂದಿಸಿದ ಅವರು, ಯಾವುದೇ ಭಯ ಅಥವಾ ಕೃಪೆಯಿಲ್ಲದೇ ನ್ಯಾಯ ಮತ್ತು ತಟಸ್ಥ ಧೋರಣೆಗೆ ಕಠಿಣವಾಗಿ ಅಂಟಿಕೊಂಡು ಜವಾಬ್ದಾರಿ ನಿರ್ವಹಿಸಲು ಅವರು ತಿಳಿಸಿದ್ದಾರೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ