ಸಿಐಎ ಭಯೋತ್ಪಾದನೆ ತನಿಖೆ ಸಂದರ್ಭದಲ್ಲಿ ಚಿತ್ರಹಿಂಸೆಯ ವಿಧಾನಗಳ ಬಗ್ಗೆ ವಿವರಗಳುಳ್ಳ ನ್ಯಾಯಾಂಗ ಇಲಾಖೆ ಮಾಹಿತಿಗಳನ್ನು ಬಿಡುಗಡೆ ಮಾಡಿದ ಬರಾಕ್ ಒಬಾಮಾ ಅವರನ್ನು ಬುಷ್ ಆಡಳಿತದ ಇಬ್ಬರು ಮಾಜಿ ಅಧಿಕಾರಿಗಳು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇದರಿಂದ ಅಮೆರಿಕದ ಬೇಹುಗಾರರಲ್ಲಿ ಭಯ ಮತ್ತು ಅಂಜುಬುರುಕತನ ಆವರಿಸುತ್ತದೆಂದು ಹೇಳಿದ್ದಾರೆ.
ಈ ಅಭಿಪ್ರಾಯಗಳನ್ನು ಕಾನೂನಿನ ವಿಷಯವಾಗಿ ಬಿಡುಗಡೆ ಮಾಡಿದ್ದು ಅನಗತ್ಯ ಎಂದು ಮಾಜಿ ಸಿಐಎ ಪ್ರಧಾನ ನಿರ್ದೇಶಕ ಮೈಕೇಲ್ ಹೇಡನ್ ಮತ್ತು ಮಾಜಿ ಅಟಾರ್ನಿ ಜನರಲ್ ಮೈಕೆಲ್ ಮುಕಾಸೆ ಸಂಪಾದಕೀಯದಲ್ಲಿ ಪ್ರಕಟಿಸಿದ್ದಾರೆ. ಜಾರ್ಜ್ ಬುಷ್ ಆಡಳಿತದಲ್ಲಿ ಉನ್ನತ ಕಾನೂನು ಅಧಿಕಾರಿಗಳು ಬರೆದ ಮೆಮೊಗಳನ್ನು ಬಿಡುಗಡೆ ಮಾಡುವ ಒಬಾಮಾ ಕ್ರಮವನ್ನು ತೂಕದ ನಿರ್ಧಾರ ಎಂದು ಶ್ವೇತಭವನದ ಹಿರಿಯ ಸಲಹೆಗಾರ ಡೇವಿಡ್ ಆಕ್ಸಲ್‌ರಾಡ್ ಇದಕ್ಕೆ ಸಮಜಾಯಿಷಿಕೆ ನೀಡಿದ್ದಾರೆ.
ಒಬಾಮಾ ಈ ಬಗ್ಗೆ ಸುದೀರ್ಘವಾಗಿ ಚಿಂತಿಸಿದ್ದಾರೆ ಮತ್ತು ವ್ಯಾಪಕವಾಗಿ ಸಮಾಲೋಚಿಸಿದ್ದಾರೆಂದು ಆಕ್ಸೆ‌ಲ್‌ರಾಡ್ ಪೊಲಿಟಿಕೊ ನ್ಯೂಸ್ ವೆಬ್‌ಸೈಟ್‌ಗೆ ತಿಳಿಸಿದರು.ಗೋಪ್ಯ ಕಾರ್ಯಾಚರಣೆಯ ಪಾವಿತ್ರ್ಯತೆ ಮತ್ತು ಜನರಲ್ಲಿ ನಂಬಿಕೆ ಇರಿಸುವುದು, ರಾಷ್ಟ್ರೀಯ ಭದ್ರತೆಯ ಮೇಲೆ ಪರಿಣಾಮವು ಒಂದು ಕಡೆಯಾಗಿದ್ದರೆ ಇನ್ನೊಂದು ಕಡೆ ಕಾನೂನು ಮತ್ತು ಪಾರದರ್ಶಕತೆಯಲ್ಲಿ ಒಬಾಮಾ ನಂಬಿಕೆ ಎಂದು ಅವರು ಹೇಳಿದ್ದಾರೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ