ಪಾಕಿಸ್ತಾನದ ಆಡಳಿತಾರೂಢ ಪಿಪಿಪಿ ಪಕ್ಷವು ಪಂಜಾಬ್ ಪ್ರಾಂತ್ಯದಲ್ಲಿರುವ ಪಿಎಂಎಲ್-ಎನ್ ನೇತೃತ್ವದ ಸರ್ಕಾರದಿಂದ ಹೊರಹೋಗಲು ನಿರ್ಧರಿಸಿದೆ. ಪ್ರಧಾನಮಂತ್ರಿ ಯ‌ೂಸುಫ್ ರಾಜಾ ಗಿಲಾನಿ ನೇತೃತ್ವದ ಫೆಡರಲ್ ಸಮ್ಮಿಶ್ರಕೂಟದಲ್ಲಿ ಮರುಸೇರ್ಪಡೆಗೆ ಪಿಎಂಎಲ್-ಎನ್ ಸರ್ಕಾರ ನಿರಾಕರಿಸಿದ ಹಿನ್ನೆಲೆಯಲ್ಲಿ ಪಿಪಿಪಿ ಈ ಕ್ರಮ ಕೈಗೊಂಡಿದೆ.ಪಾಕ್ ಅಧ್ಯಕ್ಷ ಜರ್ದಾರಿ ಮತ್ತು ಗಿಲಾನಿ ನಡುವೆ ಮಂಗಳವಾರ ತಡರಾತ್ರಿ ನಡೆದ ಭೇಟಿಯಲ್ಲಿ ಪಂಜಾಬ್ ಪ್ರಾಂತೀಯ ಸರ್ಕಾರ ತ್ಯಜಿಸುವ ನಿರ್ಧಾರವನ್ನು ಪಿಪಿಪಿ ಕೈಗೊಂಡಿತೆಂದು ತಿಳಿದುಬಂದಿದೆ.ಕೇಂದ್ರದಲ್ಲಿ ಪಿಪಿಪಿ ನೇತೃತ್ವದ ಸಮ್ಮಿಶ್ರಕೂಟಕ್ಕೆ ಸೇರುವಂತೆ ಗಿಲಾನಿ ಮಂಡಿಸಿದ್ದ ಪ್ರಸ್ತಾವನೆಗೆ ಪಿಎಂಎಲ್-ಎನ್ ಮುಖ್ಯಸ್ಥ ನವಾಜ್ ಷರೀಫ್ ಇತ್ತೀಚೆಗೆ ನಿರಾಕರಿಸಿದ್ದರು. ತಮ್ಮ ಪಕ್ಷವು ಸರ್ಕಾರದ ಹೊರಗಿದ್ದುಕೊಂಡು ಬೆಂಬಲ ನೀಡುವುದೆಂದು ಷರೀಫ್ ಹೇಳಿದ್ದರು. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
