ಕರಾಚಿಯಲ್ಲಿ ಸಂಸತ್ ಸದಸ್ಯರೊಬ್ಬರ ನಿವಾಸದಲ್ಲಿ ಶುಕ್ರವಾರ ಪಾರ್ಸೆಲ್ ಬಾಂಬ್ ಸ್ಫೋಟಿಸಿದ್ದರಿಂದ ಸಂಸತ್ ಸದಸ್ಯ ಯಾಕುಬ್ ಬೆಜೆನ್ಜೊ ಮತ್ತು ಅವರ ಕುಟುಂಬದವರು ಗಾಯಗೊಂಡಿದ್ದಾರೆ.
ನಿವಾಸದಲ್ಲಿ ಪಾರ್ಸೆಲ್ ಬಾಂಬ್ ಸ್ಫೋಟದಿಂದ ಸಂಸತ್ ಸದಸ್ಯ ಸೇರಿದಂತೆ ನಾಲ್ವರು ಗಾಯಗೊಂಡಿದ್ದಾರೆಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.ಪಾಕಿಸ್ತಾನ ರಾಷ್ಟ್ರೀಯ ಅಸೆಂಬ್ಲಿಯಲ್ಲಿ ಬೆಲೂಚಿಸ್ತಾನ ಪ್ರತಿನಿಧಿಸಿರುವ ಸಂಸದ ಯಾಕುಬ್ ಬೆಜೆನ್ಜೊ ಅವರ ತಾಯಿ, ಸೋದರಿ ಮತ್ತು ಸೋದರ ಕೂಡ ಗಾಯಗೊಂಡಿದ್ದಾನೆಂದು ಅವರು ಗುರುತಿಸಿದ್ದಾರೆ.
ಡ್ರಾಯಿಂಗ್ ರೂಂನೊಳಗೆ ಅವರು ಪಾರ್ಸೆಲ್ ಬಿಡಿಸಿದಾಗ ದೊಡ್ಡ ಶಬ್ದದೊಂದಿಗೆ ಅದು ಸ್ಫೋಟಿಸಿ ಕುಟುಂಬದವರು ಗಾಯಗೊಂಡರು ಮತ್ತು ಕೋಣೆ ಹಾನಿಗೊಂಡಿತು ಎಂದು ಪೊಲೀಸರು ತಿಳಿಸಿದ್ದಾರೆ. ಪ್ರಕರಣ ಕುರಿತು ತನಿಖೆ ನಡೆಸುತ್ತಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. |