ಮೆಲ್ಬೋರ್ನ್ನಲ್ಲಿ ಭಾರತೀಯ ವಿದ್ಯಾರ್ಥಿಗಳ ಮೇಲೆ ದಾಳಿ ನಡೆಯುತ್ತಿದ್ದರೆ, ಭಾರತೀಯ ದಂಪತಿ ತಮ್ಮ ಒಂಬತ್ತು ತಿಂಗಳ ಪುತ್ರಿಗೆ ಸೂಕ್ತ ವೈದ್ಯಕೀಯ ಆರೈಕೆ ನೀಡದೆ ಪರೋಕ್ಷವಾಗಿ ಹತ್ಯೆ ಮಾಡಿದ್ದಕ್ಕೆ ನ್ಯಾಯಾಲಯ ಈ ದಂಪತಿಗಳಿಗೆ ಶಿಕ್ಷೆ ವಿಧಿಸಿದ ಪ್ರಕರಣ ವರದಿಯಾಗಿದೆ.
ಅಗತ್ಯ ವೈದ್ಯಕೀಯ ನೆರವು ಕೊಡಿಸಲು ವಿಫಲರಾದ ಹೋಮಿಯೋಪತಿ ವೈದ್ಯ ಥಾಮಸ್ ಸ್ಯಾಮ್ ಮತ್ತು ಪತ್ನಿ ಮಂಜು ಸ್ಯಾಮ್ ಅಪರಾಧ ಎಸಗಿದ ದಂಪತಿಗಳು.
ಸೂಕ್ತ ವೈದ್ಯಕೀಯ ಚಿಕಿತ್ಸೆ ನೀಡಬೇಕೆಂಬ ಸಲಹೆಯನ್ನು ಧಿಕ್ಕರಿಸಿ ಇವರು ಹೋಮಿಯೋಪತಿ ಔಷಧವನ್ನಷ್ಟೇ ಮಗುವಿಗೆ ನೀಡಿದ್ದರಿಂದ ಮಗು ಗ್ಲೋರಿಯಾ ಥಾಮಸ್ ಮೃತಪಟ್ಟಿತ್ತು. ಮಗು ಚರ್ಮದ ಉರಿಯೂತದಿಂದ ನರಳುತ್ತಿತ್ತು ಎಂದು ನ್ಯಾಯಾಲಯ ಹೇಳಿದೆ.
ಮಗುವಿಗೆ ಸರಿಯಾದ ಚಿಕಿತ್ಸೆ ನೀಡದೆ ಸಾವಿಗೆ ಕಾರಣವಾಗಿರುವ ಆರೋಪದ ಮೇಲೆ ನ್ಯಾಯಾಲಯ ಶಿಕ್ಷೆ ವಿಧಿಸಿದ್ದು, ಶಿಕ್ಷೆಯ ಪ್ರಮಾಣವನ್ನು ಜುಲೈ 2ರಂದು ಘೋಷಿಸುವುದಾಗಿ ಹೇಳಿದೆ. |