ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ಅಂತಾರಾಷ್ಟ್ರೀಯ » ನಕ್ಷತ್ರ, ಗ್ರಹಗಳಿರುವ ಮತ್ತೊಂದು ಸೌರಮಂಡಲ ಪತ್ತೆ! (Sun | Astronomy | Galaxy)
Feedback
Printನಕ್ಷತ್ರ, ಗ್ರಹಗಳಿರುವ ಮತ್ತೊಂದು ಸೌರಮಂಡಲ ಪತ್ತೆ! 
ಲಂಡನ್, ಗುರುವಾರ, 26 ಆಗಸ್ಟ್ 2010( 09:43 IST )
WD
ಹೌದು. ಖಗೋಳ ವಿಜ್ಞಾನಿಗಳ ಲೆಕ್ಕಾಚಾರ ಇದೀಗ ನಿಜವಾಗಿದೆ. ಸೂರ್ಯನಂತೆ ಇರುವ ನಕ್ಷತ್ರವೊಂದರ ಸುತ್ತ ಸುತ್ತುವ ಗ್ರಹಗಳಿರುವ ಸೌರಮಂಡಲ ಖಂಡಿತವಾಗಿಯೂ ಇರಬಹುದು ಎಂಬ ಲೆಕ್ಕಾಚಾರದಡಿ ಆರು ವರ್ಷಗಳ ಕಾಲ ಮಾಡಿದ ಹಗಲಿರುಳಿನ ಸಂಶೋಧನೆ, ವೀಕ್ಷಣೆ ಇದೀಗ ಫಲ ತಂದಿದೆ. ಆಕಾಶದ ದಕ್ಷಿಣ ಭಾಗದಲ್ಲಿ ಈ ಸೌರಮಂಡಲವಿದೆ.
ಈ ಸೌರಮಂಡಲ ಅತ್ಯಂತ ದೊಡ್ಡದಾಗಿದ್ದು, ಇದು ಭೂಮಿಯಿಂದ 127 ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವುದು ಪತ್ತೆಯಾಗಿದೆ. ಅದರಲ್ಲಿ ಮೂಲ ನಕ್ಷತ್ರ (ಸೂರ್ಯನಂತೆ) ಸುತ್ತಲೂ ನಿಯಮಿತ ದೂರದಲ್ಲಿ ಈಗಾಗಲೇ ಐದು ಗ್ರಹಗಳು ನಿಖರವಾಗಿ ಪತ್ತೆ ಮಾಡಲಾಗಿದ್ದು, ಇನ್ನೂ ಹೆಚ್ಚಿನ ಗ್ರಹಗಳಿರುವ ಸಾಧ್ಯತೆಗಳೂ ಇವೆ. ಆ ಬಗ್ಗೆ ಸಂಶೋಧನೆ ಮಂದುವರಿಸುತ್ತೇವೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ ಎಂದು ದಿ ಡೈಲಿ ಟೆಲಿಗ್ರಾಫ್ ವರದಿ ಮಾಡಿದೆ.