ಭಯೋತ್ಪಾದನಾ ನಿಗ್ರಹಕ್ಕೆ ಭಾರತಕ್ಕೆಚೀನ ಬೆಂಬಲ webdunia

PTI ಎರಡೂ ದೇಶಗಳ ಮಿಲಿಟರಿ ಚಟುವಟಿಕೆ ಸಂಬಂಧಗಳನ್ನು ಇನ್ನಷ್ಟು ಬಲಗೊಳಿಸುವ ನಿಟ್ಟಿನಲ್ಲಿ ಭಾರತ ಹಾಗೂ ಚೀನಾ ದೇಶಗಳು ಇದೀಗ ಭಯೋತ್ಪಾದನಾ ನಿಗರಹ ಕಾರ್ಯಾಚರಣೆಯಲ್ಲಿ ಪರಸ್ಪರ ಸಹಕರಿಸಲಿವೆ. ಭಾರತೀಯ ಸೇನಾ ಮುಖ್ಯಸ್ಥ ಜನರಲ್ ಜೆ ಜೆ ಸಿಂಗ್ ನೀಡಿರುವ ಹೇಳಿಕೆಯಲ್ಲಿ ತಿಳಿಸಿರುವಂತೆ, ಉಭಯ ರಾಷ್ಟ್ರಗಳ ಸೇನಾ ಸಂಬಂಧವನ್ನು ಬಲ ಗೊಳಿಸುವ ಉದ್ದೇಶದಿಂದ ಭಾರತ ಮತ್ತು ಚೀನ ಭಯೋತ್ಪಾದನಾ ನಿಗ್ರಹದತ್ತ ತಮ್ಮ ಮೊತ್ತ ಮೊದಲ ಜಂಟಿ ಸೇನಾ ಕಾರ್ಯಾಚರಣೆಯನ್ನು ಹಮ್ಮಿಕೊಳ್ಳಲಿದೆ ಎಂದಿದ್ದಾರೆ. ಭಾರತ ಮತ್ತು ಚೀನ ಸೇನೆಗಳು ಗಡಿ ಸ್ನೇಹಪರ ಮಾತುಕತೆಗಳನ್ನು ನಡೆಸಿವೆಯಾದರೂ, ಸೈನೊ-ಇಂಡಿಯನ್ ಹಿಮಾಲಯ ಗಡಿಯ 3,000ಕಿ.ಮೀ. ಉದ್ದಕ್ಕೂ ಕಳೆದ ನಾಲ್ಕು ದಶಕಗಳಿಂದ ಮುಖಾಮುಖಿಯಲ್ಲಿ ಬಂಧಿಯಾಗಿದ್ದ ಸೇನೆಗಳು ಈಗ ಇದೇ ಮೊದಲ ಬಾರಿಗೆ ಎರಡೂ ಜಂಟಿಯಾಗಿ ಕಾರ್ಯಾಚರಣೆ ನಡೆಸುವ ಆಶಯ ಹೊಂದಿವೆ. ತಾಂತ್ರಿಕವಾಗಿ, ಚೀನ ಅಂತಹ ಕಾರ್ಯಾಚರಣೆ ನಡೆಸುವುದಕ್ಕೆ ಒಪ್ಪಿದೆಯಾದರೂ, ಈ ಮೊದಲ ಕಾರ್ಯಾಚರಣೆ ಚೀನಾ ನೆಲದಲ್ಲಿ ನಡೆಯುವುದೋ ಅಥವಾ ಭಾರತೀಯ ನೆಲದಲ್ಲಿ ನಡೆಯುವುದೋ ಎಂಬುದರ ಬಗ್ಗೆ ಭೇಟಿಯ ಸಂದರ್ಭದಲ್ಲಿ ತಾವು ವಿವರಗಳನ್ನು ನಿರ್ಧರಿಸುವುದಾಗಿ ಸೇನಾ ಮುಖ್ಯಸ್ಥರು ತಿಳಿಸಿದರು.