ಶೆಕಾವತ್ ನಾಮಪತ್ರ:ತೃಣ-ಸೇನೆ ಗೈರು ನವದೆಹಲಿ, ಸೋಮವಾರ, 25 ಜೂನ್ 2007( 15:57 IST ) webdunia

ರಾಷ್ಟ್ರಪತಿ ಚುನಾವಣೆಗಾಗಿ ಬಿಜೆಪಿ ನೇತೃತ್ವದ ಎನ್‌ಡಿಎ ಬೆಂಬಲಿತ ಪಕ್ಷೇತರ ಅಭ್ಯರ್ಥಿ ಉಪರಾಷ್ಟ್ರಪತಿ ಬೈರೋನ್‌ಸಿಂಗ್ ಶೆಖಾವತ್ ಅವರು ಇಂದು ನಾಮಪತ್ರಸಲ್ಲಿಸಿದರು. ಎನ್‌ಡಿಎ ಮಿತ್ರಪಕ್ಷಗಳಾದ ತೃಣಮೂಲ ಕಾಂಗ್ರೆಸ್ ಹಾಗೂ ಶಿವಸೇನೆಯ ಮುಖ್ಯಸ್ಥರ ಗೈರುಹಾಜರಾಗಿದ್ದುದು ವಿಶೇಷವಾಗಿತ್ತು. ನಿರ್ಧರಿತ ವಿಧಾನದಲ್ಲೇ ಶೆಖಾವತ್ ನಾಮಪತ್ರ ಪ್ರಕ್ರಿಯೆ ಪೂರ್ಣಗೊಂಡಿದೆ. ಈ ಸಂದರ್ಭದಲ್ಲಿ ಕಾಂಗ್ರೆಸ್‌ನಿಂದ ಅಮನಾತುಗೊಂಡ ನಾಯಕ ಕೆ.ನಟ್ವರ್ ಸಿಂಗ್,ಜಮ್ಮುಕಾಶ್ಮೀರದಲ್ಲಿ ಕಾಂಗ್ರೆಸ್‌ ಮಿತ್ರಪಕ್ಷವಾಗಿರುವ ಫ್ಯಾಂಥರ್ಸ್ ಪಕ್ಷದ ಭೀ ಮ್ ಸಿಂಗ್ ಉಪಸ್ಥಿತರಿದ್ದರು. ಶೆಖಾವತ್ ಅವರು ನಾಮಪತ್ರದ 2 ಕಡತಗಳನ್ನು ಸಲ್ಲಿಸಿದರು. ಈ ಮೂಲಕ ಜುಲೈ 19ರಂದು ಜರುಗಲಿರುವ ಮತದಾನದಲ್ಲಿ ಯುಪಿಎ ಅಭ್ಯರ್ಥಿ ಪ್ರತಿಭಾ ಪಾಟೀಲ್‌ ಅವರಿಗೆ ನೇರ ಸ್ಪರ್ಧೆ ನೀಡಲಿದ್ದಾರೆ. ಭೈರೋನ್ ಸಿಂಗ್ ಶೆಖಾವತ್ ಅವರಿಗೆ ಎಲ್ಲಾ ಪಕ್ಷಗಳಲ್ಲೂ ಗೆಳೆಯರಿರುವುದರಿಂದ ಪ್ರತಿಭಾ ಪಾಟೀಲ್ ಅವರಿಗೂ ಈ ಸ್ಪರ್ಧೆ ಸ್ವಲ್ಪ ಕಠಿಣವಾಗಲಿದೆ. ನಾಮಪತ್ರ ಸಲ್ಲಿಸುವ ವೇಳೆ ಎನ್‌ಡಿಎ ನಾಯಕಿ ಸುಷ್ಮಾ ಸ್ವರಾಜ್ , ನೀಲಂ ಸಂಜೀವ ರೆಡ್ಡಿ ಉಪಸ್ಥಿತರಿದ್ದರು. ಆದರೆ ಮರಾಠಿಗರ ಪರವಾಗಿರುವ ಶಿವಸೇನೆ ಈ ಮೊದಲೇ ಪ್ರತಿಭಾ ಪಾಟೀಲ್ ಪರ ಒಲವು ಸೂಚಿಸಿತ್ತಾದರೂ, ಇಂದು ತನ್ನ ಅಂತಿಮ ನಿಲುವು ಪ್ರಕಟಿಸುವುದಾಗಿ ತಿಳಿಸಿತ್ತು. ಆದರೆ ಇಂದು ಗೈರು ಹಾಜರಾಗಿತ್ತು. ಅದೇ ರೀತಿ ಮಮತಾ ಬ್ಯಾನರ್ಜಿ ನಾಯಕತ್ವದ ತೃಣಮೂಲ ಕಾಂಗ್ರೆಸ್ ಪ್ರಾತಿನಿಧ್ಯವೂ ಇರಲಿಲ್ಲ.