ಕನ್ನಡದಲ್ಲಿ ಕಲಿಸಲು ಶಾಲೆಗಳಿಗೆ ಆದೇಶ ನವದೆಹಲಿ, ಸೋಮವಾರ, 25 ಜೂನ್ 2007( 18:49 IST ) webdunia

ಕರ್ನಾಟಕದ ಖಾಸಗಿ ಆಂಗ್ಲಮಾಧ್ಯಮ ಶಾಲೆಗಳು ಕನ್ನಡಮಾಧ್ಯಮದಲ್ಲೇ ಕಲಿಸಬೇಕು ಎಂಬುದಾಗಿ ರಾಜ್ಯ ಉಚ್ಚನ್ಯಾಯಾಲಯ ಆದೇಶಿಸಿದೆ.ಕನ್ನಡಕ್ಕೆ ಜಯವಾಗಿದೆ. ಖಾಸಗಿ ಶಾಲೆಗಳಲ್ಲಿ ಇಂಗ್ಲಿಷ್ ಕಲಿಕೆ ಹಾಗೂ ಸರ್ಕಾರದ ಶಿಕ್ಷಾ ಕ್ರಮಗಳನ್ನು ಪ್ರಶ್ನಿಸಿದ ಅರ್ಜಿಯನ್ನು ವಿಚಾರಿಸಿದ ಹೈಕೋರ್ಟ್ ಸರ್ಕಾರದ ಪರವಾಗಿ ನೀಡಿದ ತೀರ್ಪಿನಲ್ಲಿ , ಖಾಸಗಿ ಶಾಲೆಗಳು ಕನ್ನಡ ಮಾಧ್ಯಮದಲ್ಲೇ ಕಲಿಸಬೇಕು ಎಂದು ತಿಳಿಸಿವೆ. ಖಾಸಗಿ ಶಾಲೆಗಳು ಕನ್ನಡವನ್ನು ಒಂದು ವಿಷಯವಾಗಿ ಕಲಿಸಿದರಷ್ಟೇ ಸಾಲದು, ಮಕ್ಕಳಿಗೆ ಎಲ್ಲಾ ವಿಷಯಗಳನ್ನೂ ಕನ್ನಡದಲ್ಲೇ ಕಲಿಸಬೇಕು ಎಂದು ನ್ಯಾಯಾಲಯದ ಆದೇಶದಲ್ಲಿ ತಿಳಿಸಲಾಗಿದೆ. ಖಾಸಗಿ ಶಾಲೆಗಳು ಕನ್ನಡ ಮಾಧ್ಯಮದಲ್ಲಿ ಬೋಧನೆಗಾಗಿ ಏನೆಲ್ಲಾ ಕ್ರಮಕೈಗೊಂಡವೆ, ಕನ್ನಡವನ್ನೇ ಬೋಧನ ಮಾಧ್ಯಮವಾಗಿಸಿ ಅನುಷ್ಠಾನಗೊಳಿಸಿದ ಕರಿತು 7 ದಿನಗಳೊಳಗಾಗಿ ಲಿಖಿತ ದೃಢೀಕರಣ ನೀಡಬೇಕೆಂದು ಹೈಕೋರ್ಟ್ ನಿಷ್ಕರ್ಷಿಸಿದೆ. ಕನ್ನಡವನ್ನು ಬೋಧನ ಮಾಧ್ಯಮವಾಗಿಸದಿರುವ ಶಾಲೆಗಳ ವಿರುದ್ಧ ಸರ್ಕಾರ ಸ್ವೀಕರಿಸಿದ ಲೈಸೆನ್ಸ್ ಅಮಾನತುಕ್ರಮ, ದಂಡವಿಧಿಸುವಿಕೆ ಇತ್ಯಾದಿಗಳನ್ನು ಪ್ರಶ್ನಿಸಿ ಶಾಲಾ ಆಡಳಿತ ವರ್ಗದ ಒಕ್ಕೂಟ ಹೈಕೋರ್ಟ್‌ನಲ್ಲಿ ವ್ಯಾಜ್ಯ ಹೂಡಿದ್ದರು.