ಅಮರನಾಥ ಯಾತ್ರೆ ಆರಂಭ ನವದೆಹಲಿ, ಶುಕ್ರವಾರ, 29 ಜೂನ್ 2007( 09:39 IST ) webdunia

ಅಮರನಾಥ ಯಾತ್ರಿಕರ ಮೊದಲ ತಂಡ ಜಮ್ಮು ಮೂಲ ಶಿಬಿರದಿಂದ ಇಂದು ಹೊರಟಿದ್ದು, ಅಧಿಕೃತ ತೀರ್ಥಯಾತ್ರೆ ನಾಳೆ ಆರಂಭವಾಗಲಿದೆ. ಉಗ್ರಗಾಮಿಗಳ ಆಕ್ರಮಣ, ಹಮಪಾತ, ನೀರ್ಗಲ್ಲು, ಜಾರುಬಂಡೆಗಳ ದುರ್ಗಮ ಹಾದಿಯಲ್ಲಿ ಸಾಗಬೇಕಿರುವ ಅಮರ ನಾಥ ಯಾತ್ರೆಯಲ್ಲಿ ಕೊನೆಗೆ ಹಿಮಲಿಂಗ ದರ್ಶನದೊಂದಿಗೆ ಕೃಥಾರ್ಥರಾಗಲು ಜನರು ಮುಗಿ ಬೀಳುತ್ತಿದ್ದಾರೆ. ಸಮುದ್ರ ಮಟ್ಟದಿಂದ 2880 ಮೀಟರ್ ಎತ್ತರದಲ್ಲಿ ಹಿಮಾಲಯದ ತಪ್ಪಲಲ್ಲಿರುವ ಕೈಲಾಸದ ಅಮರನಾಥ ಭಕ್ತರ ಆಕರ್ಷಣೆಗಳಲ್ಲೊಂದಾಗಿದೆ. ಕಾಲ್ನಡಿಗೆಯ ಹಾದಿಯಾಗಿರುವುದರಿಂದ ಅಶಕ್ತರನ್ನು ಸಾಗಿಸಲು ತಲೆಹೊರೆ, ಪಲ್ಲಕಿಯಂತಹ ಟೋಲಿಗಳನ್ನು ಸಾಗಿಸುವವರಿಗೂ ಇದು ಸುಗ್ಗಿಯ ಕಾಲ. ಅಡ್ಡಿ ಆತಂಕಗಳಿದ್ದರೂ ವಾರ್ಷಿಕವಾಗಿ ಯಾತ್ರಿಕರ ಸಂಖ್ಯೆ ಕಡಿಮೆಯಾಗಿಲ್ಲ ಎಂಬುದು ಸರ್ಕಾರಿ ಮೂಲಗಳು, ಯಾತ್ರಾರ್ಥಿಗಳ ಹೇಳಿಕೆ.