ರಾಹುಲ್ ಗಾಂಧಿಯಿಂದ ಕ್ಯೂಬಾ ಸಚಿವರ ಭೇಟಿ ಬುಧವಾರ, 4 ಜುಲೈ 2007( 17:23 IST ) webdunia

ಕ್ಯೂಬಾ ದ್ವೀಪರಾಷ್ಚ್ರದ ಪ್ರವಾಸದಲ್ಲಿರುವ ಸಂಸದ ರಾಹುಲ್ ಗಾಂಧಿ ಅಲ್ಲಿನ ವಿದೇಶಾಂಗ ಸಚಿವ ಫಿಲಿಫ್ ಪೆರೆಜ್ ರೂಕ್ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದರು. ಭೇಟಿಯ ವೇಳೆ ಉಭಯ ರಾಷ್ಟ್ರಗಳ ಸಂಬಂಧಗಳ ಕುರಿತು ಮತ್ತು ಭಾರತದ ನಿಯೋಗಕ್ಕೆ ವಹಿಸಲಾಗಿರುವ ವಿಷಯಗಳ ಕುರಿತು ಉಭಯ ನಾಯಕರು ಮಾತುಕತೆ ನಡೆಸಿದರು. ಭಾನುವಾರ ಕ್ಯೂಬಾಗೆ ಆಗಮಿಸಿರುವ ರಾಹುಲ್, ಏಡ್ಸ್ ವಿರುದ್ಧ ಹೋರಾಟ ಮತ್ತು, ಈ ಮಾರಣಾಂತಿಕ ರೋಗದ ತಡೆಗಟ್ಟುವಿಕೆಗಾಗಿ ಕ್ಯೂಬಾ ಕೈಗೊಂಡಿರುವ ಕ್ರಮಗಳ ಕುರಿತು ಚರ್ಚೆ ನಡೆಸಿದರು. ಕ್ಯೂಬಾದಲ್ಲಿ ಭಾರತೀಯ ರಾಯಭಾರಿ ಮಿತ್ರ ವಶಿಷ್ಟ ಹಾಗೂ ವಿದೇಶಾಂಗ ಸಚಿವಾಲಯದ ಏಷ್ಯಾ ವ್ಯವಹಾರಗಳ ನಿರ್ದೇಶಕ ಅಲ್ಬರ್ಟ್ ಬ್ಲಾಂಕೋ ಅವರು ಸಭೆಯಲ್ಲಿ ಪಾಲ್ಗೊಂಡಿದ್ದರು.