ಉಗ್ರರಿಂದ ಇಬ್ಬರ ಹತ್ಯೆ ಜಮ್ಮು(ಏಜೆನ್ಸಿ), ಸೋಮವಾರ, 16 ಜುಲೈ 2007( 13:12 IST )

ಗ್ರಾಮ ಸಂರಕ್ಷಣಾ ದಳದ ಸದಸ್ಯರ ಮನೆಗೆ ನುಗ್ಗಿ ಉಗ್ರರು ಮನಬಂದಂತೆ ಗುಂಡು ಹಾರಿಸಿ ಇಬ್ಬರನ್ನು ಹತ್ಯೆ ಮಾಡಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಜಮ್ಮುವಿಗೆ ಹತ್ತಿರವಿರುವ ದಲಹಾಲ್ ಎನ್ನುವ ಗ್ರಾಮಕ್ಕೆ ನುಗ್ಗಿದ ಅಪರಿಚಿತ ಉಗ್ರಗಾಮಿಗಳು ಮುಖೇಶ್ ಕುಮಾರ್ ಎಂಬುವರ ಮನೆಯಲ್ಲಿ ಗುಂಡಿನ ಸುರಿಮಳೆಗೈದಿದ್ದರಿಂದ ಮುಖೇಶ್ ಕುಮಾರ ಸಹೋದರ ದೇವರಾಜ್ ಹಾಗೂ ಆತನ 9 ವರ್ಷ ವಯಸ್ಸಿನ ಮಗಳು ಹತ್ಯೆಯಾಗಿದ್ದಾರೆ. ಉಗ್ರರ ದಾಳಿಯಲ್ಲಿ ಮುಖೇಶ್ ಕುಮಾರ್ ಅವರ ಪತ್ನಿ ಗಾಯಾಳುಗಳಾಗಿದ್ದು ಮನೆಯ ಇನ್ನಿತರ ಸದಸ್ಯರು ಪಾರಾಗುವಲ್ಲಿ ಯಶಸ್ವಿಯಾಗಿದ್ದಾರೆ. ದಾಳಿಯ ಸಂದರ್ಭದಲ್ಲಿ ಮುಖೇಶ್ ಕುಮಾರ್ ಮನೆಯಲ್ಲಿ ಇಲ್ಲದಿರುವುದರಿಂದ ಅವರು ಬದುಕುಳಿದಿದ್ದಾರೆ ದಾಳಿಯ ನಂತರ ಉಗ್ರರು ಗ್ರಾಮದಿಂದ ಪರಾರಿಯಾಗಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.