ಸ್ವಾತಂತ್ರ್ಯಯೋಧರ ಬೇಡಿಕೆಗಳನ್ನು ಈಡೇರಿಸುವ ಕುರಿತು ಕೇಂದ್ರ ಸರ್ಕಾರ ಅನುಕಂಪಾರ್ಹ ಆದ್ಯತೆ ನೀಡಲಿದೆ. ಅವರ ಎಲ್ಲಾ ಬೇಡಿಕೆಗಳನ್ನು ಈಡೇರಿಸಲು ಕ್ರಮ ಕೈಗೊಳ್ಳುವುದಾಗಿ ಕಾಂಗ್ರೆಸ್-ಯುಪಿಎ ಅಧ್ಯಕ್ಷೆ ಸೋನಿಯಾ ಗಾಂಧಿ ತಿಳಿಸಿದ್ದಾರೆ.
ಸ್ವಾತಂತ್ರ್ಯ್ರಯೋಧರ ಬೇಡಿಕೆಗಳಲ್ಲಿ ಪ್ರಮುಖವಾದವುಗಳೆಂದರೆ ಪಿಂಚಣಿಮೊತ್ತ ಹೆಚ್ಚಳ, ಉಚಿತ ರೈಲ್ವೇ ಪ್ರಯಾಣ ಅವಕಾಶವಿರುವ ಕೂಪನ್ ಒದಗಿಸುವುದು ಇತ್ಯಾದಿಗಳಾಗಿವೆ.
ರಾಯ್‌ಬರೇಲಿಯಲ್ಲಿ 1857ರ ಪ್ರಥಮ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಪಾಲ್ಗೊಂಡವರ ಗ್ರಾಮಗಳಿಗೆ ಅವರ ಭೇಟಿ ನೀಡಿದರು.
1857ರ ಸಂಗ್ರಾಮದಲ್ಲಿ ಪಾಲ್ಗೊಂಡ ರಾಣಾ ಬೇಣಿ ಮಾಧವ ಅವರ ಹುಟ್ಟೂರಾದ ಗ್ರಾಮವಾದ ಶಂಕರ್‌ಪುರ್‌ಗೆ ಸೋನಿಯಾ ಭೇಟಿ ನೀಡಿದ ಸಂದರ್ಭದಲ್ಲಿ ಪ್ರಸ್ತುತ ಹೇಳಿಕೆ ನೀಡಿದ್ದಾರೆ.
ಸೋನಿಯಾ ಗಾಂಧಿಯವರ ಸಂಸದೀಯ ಕ್ಷೇತ್ರವೂ ಆಗಿರುವ ರಾಯ್‌ಬರೇಲಿಯಲ್ಲಿ ಅವರು ಮೂರು ದಿನಗಳ ಪ್ರವಾಸಕಾರ್ಯಕೈಗೊಂಡಿದ್ದಾರೆ.
ರಾಯ್‌ಬರೇಲಿಯಲ್ಲಿ ಕಾಂಗ್ರಸ್‌ ಪ್ರಥಮ ಸ್ವಾತಂತ್ರ್ಯ ಸಂಗ್ರಾಮದ 150ನೇ ವರ್ಷಾಚರಣೆಯನ್ನು ಸಂಭ್ರಮದಿಂದ ಆಚರಿಸುತ್ತಿದೆ.
ಇಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ಸಭೆ, ಕೇಂದ್ರೀಯ ಜಾಗೃತದಳದ ಸಭೆ ಹಾಗೂ ಫಿರೋಜ್ ಗಾಂಧಿ ಕಾಲೇಜಿನ ಸನ್ಮಾನ ಕಾರ್ಯಕ್ರಗಳಲ್ಲೂ ಅವರು ಪಾಲ್ಗೊಳ್ಳಲಿದ್ದಾರೆ.
|
ಸುದ್ದಿ ಜಗತ್ತು > ಸುದ್ದಿಗಳು > ರಾಷ್ಟ್ರೀಯ
