ಮುಂಬೈ ಸರಣಿ ಬಾಂಬ್ ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿ ಆರು ವರ್ಷ ಕಠಿಣ ಕಾರಾಗೃಹ ವಾಸ ಶಿಕ್ಷೆಗೊಳಗಾಗಿರುವ ಬಾಲಿವುಡ್ ನಟ ಸಂಜಯ್‌ದತ್‌ ಟಾಡಾ ನ್ಯಾಯಾಲಯದ ಪ್ರಸ್ತುತ ತೀರ್ಪು ಪ್ರಶ್ನಿಸಿ ದೇಶದ ಸರ್ವೋಚ್ಛ ನ್ಯಾಯಾಲಯಕ್ಕೆ ಮೇಲ್ಮನವಿ ಸಲ್ಲಿದ್ದಾರೆ.
ತೀರ್ಪನ್ನು ಪ್ರಶ್ನಿಸಿರುವುದರೊಂದಿಗೆ ಜಾಮೀನು ಬಿಡುಗಡೆ ಕೋರುವ ಅರ್ಜಿಯನ್ನೂ ಸಲ್ಲಿಸಲಾಗಿದೆ. ಕಾನೂನಿನಡಿ ಲಭ್ಯ ಅವಕಾಶವನ್ನು ಸಮರ್ಪಕವಾಗಿ ಬಳಸಲಾಗಿದೆ ಎಂದು ಆಪ್ತವಲಯಗಳು ತಿಳಿಸಿವೆ.
ಭಯೋತ್ಪಾದಕರೊಂದಿಗೆ ಸಂಪರ್ಕ ಹಾಗೂ ಶಸ್ತ್ರಾಸ್ತ್ರಗಳ ಅಕ್ರಮ ದಾಸ್ತಾನು ನಿಷೇಧ ಕಾಯ್ದೆಯಡಿ ವಿಶೇಷ ಟಾಡಾ ನ್ಯಾಯಾಲಯವು ಸಂಜಯ್‌ ದತ್‌ಗೆ ಕಠಿಣ ಕಾರಾವಾಸ ಶಿಕ್ಷೆ ವಿಧಿಸಿತ್ತು.
ಜುಲೈ 31ರಂದು ತೀರ್ಪು ಘೋಷಿಸಿದ್ದ ವಿಶೇಷ ಟಾಡಾ ನ್ಯಾಯಾಲಯದ ನ್ಯಾಯಾಧೀಶ ಪಿ ಡಿ ಕೋಡೆ ಅವರು, ಸಂಜಯ್‌ ದತ್‌ ಅವರ ಜನಪ್ರಿಯತೆ, ಅವರ ಮೇಲಿನ ಅನುಕಂಪ ಇತ್ಯಾದಿಗಳನ್ನು ಕಡೆಗಣಿಸಿ ಕಾನೂನಿಗೆ ಪ್ರಾಧಾನ್ಯ ನೀಡಿರುವುದಾಗಿ ಹೇಳಿ ಶಿಕ್ಷೆವಿಧಿಸಿದ್ದರು.
|
ಸುದ್ದಿ ಜಗತ್ತು > ಸುದ್ದಿಗಳು > ರಾಷ್ಟ್ರೀಯ
