ಮನೋರೋಗಿಯಿಂದ ಐವರ ಹತ್ಯೆ ಪುಣೆ, ಶನಿವಾರ, 6 ಅಕ್ಟೋಬರ್ 2007( 15:51 IST )

ಮನೋರೋಗಿಯೆಂದು ಶಂಕಿಸಲಾಗದ ಅಜ್ಞಾತ ದುಷ್ಕರ್ಮಿಯೊಬ್ಬ ಐವರು ವ್ಯಕ್ತಿಗಳನ್ನು ಕಲ್ಲಿನಿಂದ ಜಜ್ಜಿ ಕೊಲೆ ಮಾಡಿದ್ದು ನಾಲ್ವರನ್ನು ಗಾಯಗೊಳಿಸಿದ ಭೀಕರ ಘಟನೆಯೊಂದು ಸಂಭವಿಸಿದೆ. ದುರ್ದೈವಿಗಳು ಲೋನಾವಾಲದ ತರಕಾರಿ ಮಾರುಕಟ್ಟೆಯ ಕಲ್ಲುಹಾಸಿನ ಮೇಲೆ ಮಲಗಿದ್ದಾಗ ಇವರ ತಲೆಗಳನ್ನು ಕಲ್ಲು ಅಥವಾ ಹರಿತವಾದ ಆಯುಧದಿಂದ ಜಜ್ಜಿ ಕೊಲೆ ಮಾಡಿರುವುದು ಶುಕ್ರವಾರ ರಾತ್ರಿ ಪತ್ತೆಯಾಯಿತು . ಗಾಯಗೊಂಡವರಲ್ಲಿ ಇಬ್ಬರನ್ನು ಸರ್ಕಾರಿ ಆಸ್ಪತ್ರೆಗೆ ಸೇರಿಸಲಾಗಿದ್ದು, ಅವರ ಪರಿಸ್ಥಿತಿ ಗಂಭೀರವಾಗಿದೆಯೆಂದು ಹೇಳಲಾಗಿದೆ. ಮೃತರೆಲ್ಲರೂ ಜೀವನ ನಡೆಸಲು ಕೂಲಿ ಕೆಲಸ ಮಾಡುತ್ತಿದ್ದವರಾಗಿದ್ದು, ಹತ್ಯೆಕೋರನು ಮಾನಸಿಕ ಅಸ್ವಸ್ಥ ಎಂದು ಪೊಲೀಸರು ಶಂಕಿಸಿದ್ದಾರೆ. ತರನ್ನು ಇನ್ನೂ ಗುರುತಿಸಬೇಕಾಗಿದ್ದು, ಹತ್ಯೆಕೋರನು ದಾಳಿ ಮಾಡಿದಾಗ ಗಾಢನಿದ್ರೆಯಲ್ಲಿದ್ದರೆಂದು ತನಿಖೆಯಿಂದ ಗೊತ್ತಾಗಿದೆ.