ನರಕಾಸುರ ಪ್ರತಿಕೃತಿ ದಹನಕ್ಕೆ ಮಳೆರಾಯ ಅಡ್ಡಿ ಗೋವಾ, ಶುಕ್ರವಾರ, 9 ನವೆಂಬರ್ 2007( 12:28 IST )

ದಿವಾಳಿ ಸಂಭ್ರಮದ ನಡುವೆ ನರಕಾಸುರ ರಾಕ್ಷಸನ ಪ್ರತಿಕೃತಿ ದಹಿಸುವ ಸಂಪ್ರದಾಯಕ್ಕೆ ಗೋವಾದಲ್ಲಿ ಮಳೆರಾಯ ಅಡ್ಡಿವುಂಟುಮಾಡಿದ, ಸಾಮಾನ್ಯವಾಗಿ ಸೂರ್ಯನು ಬೆಳಗುವ ಹವಾಮಾನ ಕಂಡುಬರುವ ಈ ಸಂದರ್ಭದಲ್ಲಿ ದಿಢೀರ್ ಸುರಿದ ಮಳೆರಾಯ ತಂಪೆರೆದರೂ ಅನೇಕ ಪ್ರತಿಕೃತಿ ದಹಿಸುವ ಕಾರ್ಯಕ್ರಮಗಳು ರದ್ದಾದವು, ಸುಮಾರು 40 ಕ್ಲಬ್‌ಗಳು ಮತ್ತು ಸಂಘಟನೆಗಳು ಈ ವರ್ಷದ ಸ್ಪರ್ಧೆಯಲ್ಲಿ ಪಾಲ್ಗೊಂಡು ಸುಮಾರು 40 ಅಡಿ ಎತ್ತರದ ನರಕಾಸುರನ ಬೃಹತ್ ಪ್ರತಿಕೃತಿಗಳನ್ನು ರಚಿಸಿದ್ದವು. ಹಿಂದು ನಂಬಿಕೆಯ ಪ್ರಕಾರ, ಶಕ್ತಿಶಾಲಿ ರಾಕ್ಷಸರಾಜ ನರಕಾಸುರ, ದೇವತೆಗಳನ್ನು ಬೆದರಿಸಿ ಸುಮಾರು 16,000 ರಾಜಕುಮಾರಿಯರನ್ನು ಸೆರೆಹಿಡಿದು ವಿವಾಹವಾಗಲು ಉದ್ದೇಶಿಸಿದ್ದ. ಭಗವಾನ್ ಕೃಷ್ಣನಿಗೆ ಈ ವಿಷಯ ಗೊತ್ತಾಗಿ ಸುದರ್ಶನ ಚಕ್ರದ ಮೂಲಕ ರಾಕ್ಷಸರಾಜನನ್ನು ಹತ್ಯೆ ಮಾಡಿ ಸೆರೆಯಾಳಾಗಿದ್ದ ರಾಜಕುಮಾರಿಯರನ್ನು ದಿವಾಳಿ ದಿನ ಸೆರೆಯಿಂದ ಬಿಡಿಸಿದ . ಹುಲ್ಲು, ತ್ಯಾಜ್ಯಕಾಗದ ಮತ್ತು ಪಟಾಕಿಗಳಿಂದ ಕೂಡಿದ ನರಕಾಸುರ ಪ್ರತಿಕೃತಿಯನ್ನು ಎತ್ತಲು ಸುಮಾರು 25 ಜನರು ಬೇಕಾಗುತ್ತದೆ. ನರಕಾಸುರನ ಪ್ರತಿಕೃತಿಯನ್ನು ಬೀದಿಯಲ್ಲಿ ಮೆರವಣಿಗೆ ಮಾಡಿ ಬಳಿಕ ಸಾಂಕೇತಿಕವಾಗಿ ಸಾಯಿಸಿ ದಹಿಸಲಾಗುತ್ತದೆ.