ಬಾಂಬ್ ಸ್ಫೋಟ:ಮಣಿಪುರ ಉಪಸ್ಪೀಕರ್ ಪಾರು ಇಂಫಾಲ್, ಸೋಮವಾರ, 26 ನವೆಂಬರ್ 2007( 14:42 IST )

ಪೂರ್ವ ಇಂಫಾಲದಲ್ಲಿ ಉಗ್ರಗಾಮಿಗಳು ಶಕ್ತಿಶಾಲಿ ಬಾಂಬ್ ಸ್ಫೋಟಿಸಿದಾಗ ಮಣಿಪುರ ಉಪಸ್ಪೀಕರ್ ಎಂ. ಶ್ಯಾಂಕುಮಾರ್ ಯಾವುದೇ ಅಪಾಯವಾಗದೇ ಪಾರಾಗಿದ್ದಾರೆ. ಆದರೆ ಮೀಸಲು ಪಡೆಯ ಇಬ್ಬರು ಭದ್ರತಾ ಸಿಬ್ಬಂದಿ ಮತ್ತು ಕುಮಾರ್ ಅವರ ಚಾಲಕನಿಗೆ ಬಾಂಬ್ ತುಣುಕುಗಳು ಸಿಡಿದು ಗಾಯವಾಗಿದೆ ಎಂದು ಅಧಿಕೃತ ಮೂಲಗಳು ಹೇಳಿವೆ. ಕುಮಾರ್ ಅವರು ಇಲ್ಲಿಗೆ 25 ಕಿಮೀ ದೂರದ ಓಕ್ಶು ಬಳಿ ಹಾದುಹೋಗುವಾಗ ರಸ್ತೆಯಲ್ಲಿ ಇಟ್ಟಿದ್ದ ಬಾಂಬ್ ಸ್ಫೋಟಿಸಿತು. ಇಂಫಾಲ್ ಪೂರ್ವ ಜಿಲ್ಲೆಯಲ್ಲಿ ತಮ್ಮ ಕ್ಷೇತ್ರದ ಕೆಲವು ಸ್ಥಳಗಳಿಗೆ ಭೇಟಿ ನೀಡಿ ಹಿಂತಿರುಗುತ್ತಿದ್ದಾಗ ಈ ಘಟನೆ ಸಂಭವಿಸಿದ್ದು, ಭಾರೀ ಪೊಲೀಸ್ ಪಡೆ ಆ ಸ್ಥಳಕ್ಕೆ ಧಾವಿಸಿದೆ.