ರೈಲುಗಳ ಡಿಕ್ಕಿ:40 ಪ್ರಯಾಣಿಕರಿಗೆ ಗಾಯ ಸಹರ್ಸ, ಶನಿವಾರ, 1 ಡಿಸೆಂಬರ್ 2007( 16:28 IST )

ಉತ್ತರ ಬಿಹಾರದ ಸಹರ್ಸಾ ರೈಲ್ವೆ ನಿಲ್ದಾಣದಲ್ಲಿ ಪ್ರಯಾಣಿಕರ ರೈಲು ಇನ್ನೊಂದು ರೈಲಿಗೆ ಡಿಕ್ಕಿ ಹೊಡೆದು ಕನಿಷ್ಠ 40 ಜನರು ಗಾಯಗೊಂಡಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸಹರ್ಸಾ-ಫೋರ್ಬೆಸ್‌ಗಂಜ್ ರೈಲು ನಿಂತಿದ್ದ ಸಹರ್ಸಾ-ಕಟಿಹಾರ್ ರೈಲಿನ ಹಿಂಭಾಗಕ್ಕೆ ಡಿಕ್ಕಿ ಹೊಡೆಯಿತು. ಪ್ಲಾಟ್‌ಫಾರಂ ನ.3ರಿಂದ ಬೆಳಿಗ್ಗೆ 7 ಗಂಟೆಗೆ ಅದು ಪ್ರಯಾಣಿ ಆರಂಭಿಸಬೇಕಿತ್ತು. ಸಹರ್ಸಾ-ಕಟಿಹಾರ್ ರೈಲಿನ ಕಾವಲುಗಾರನ ಕ್ಯಾಬಿನ್‌ಗೆ ತೀವ್ರ ಹಾನಿವುಂಟಾಗಿದ್ದು, ಸುಮಾರು 40 ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಘಟನೆಯಿಂದ ಆಕ್ರೋಶಗೊಂಡ ಪ್ರಯಾಣಿಕರು ಸಹಾಯಕ ಸ್ಟೇಷನ್ ಮ್ಯಾನೇಜರ್ ಅಲೋಕ್ ಕುಮಾರ್ ಮೇಲೆ ಹಲ್ಲೆ ನಡೆಸಿದರು. ಸಹರ್ಸಾ-ಫೋರ್ಬೆಸ್‌ಗಂಜ್ ರೈಲಿನ ಚಾಲಕನನ್ನು ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿದ್ದು, ಈ ಘಟನೆಯ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ.