ರೈತರ ಸಾಲಕ್ಕೆ ಬಡ್ಡಿದರ ತಗ್ಗಿಸಲು ಪರಿಶೀಲನೆ ನವದೆಹಲಿ, ಶುಕ್ರವಾರ, 7 ಡಿಸೆಂಬರ್ 2007( 21:11 IST )

PTI ರೈತರ ಸಾಲದ ಮೇಲೆ ಬಡ್ಡಿದರ ಕಡಿಮೆ ಮಾಡಬೇಕೆಂಬ ಸಲಹೆಗಳನ್ನು ಅತ್ಯಂತ ಸಹಾನುಭೂತಿಯಿಂದ ಪರಿಶೀಲಿಸುವುದಾಗಿ ವಿತ್ತಸಚಿವ ಪಿ. ಚಿದಂಬರಂ ಲೋಕಸಭೆಗೆ ಶುಕ್ರವಾರ ತಿಳಿಸಿದರು. ಸರ್ಕಾರ ರೈತರ ಸಾಲದ ಮೇಲೆ ಬಡ್ಡಿಯನ್ನು ಶೇ.4ಕ್ಕೆ ತಗ್ಗಿಸುವುದೇ ಎಂಬ ಪೂರಕ ಪ್ರಶ್ನೆಗೆ ಉತ್ತರಿಸಿದ ಅವರು, ಈ ಸರ್ಕಾರವು ಬಡ್ಡಿದರವನ್ನು ಶೇ.10ರಿಂದ ಶೇ.7ಕ್ಕೆ ಇಳಿಸಿದೆ. ಇನ್ನಷ್ಟು ಇಳಿಮುಖ ಮಾಡಬೇಕೆಂಬ ಸಲಹೆಯನ್ನು ಸಹಾನುಭೂತಿಯಿಂದ ಪರಿಶೀಲಿಸುವುದಾಗಿ ಅವರು ಹೇಳಿದರು. ಇದಕ್ಕೆ ಮುನ್ನ ಸಾವಯವ ಕೃಷಿಗೆ ರಿಯಾಯಿತಿ ದರದಲ್ಲಿ ಸಾಲ ನೀಡಬೇಕೆಂಬ ಬೋಚಾ ಜಾನ್ಸಿ ಲಕ್ಷ್ಮಿ ಪ್ರಶ್ನೆಗೆ ಉತ್ತರಿಸಿದ ಅವರು ಸಾವಯವ ಕೃಷಿಗೆ ಸಾರ್ವಜನಿಕ ವಲಯದ ಬ್ಯಾಂಕುಗಳು ಹೆಚ್ಚು ಸಾಲ ನೀಡುವಂತೆ ಪ್ರೋತ್ಸಾಹಿಸುವುದಾಗಿ ಅವರು ನುಡಿದರು. ಸರ್ಕಾರ ವೈದ್ಯನಾಥನ್ ಸಮಿತಿಯ ಎರಡನೇ ವರದಿ ನಿರೀಕ್ಷೆಯಲ್ಲಿದ್ದು, ಬಡ್ಡಿದರದ ಬಗ್ಗೆ ಮುಖ್ಯಮಂತ್ರಿಗಳು ಮತ್ತು ವಿತ್ತಸಚಿವರ ಜತೆ ಸಮಾಲೋಚನೆ ನಡೆಸುವುದಾಗಿ ಅವರು ನುಡಿದರು.