ರೈಲುಗಳ ಬಹಿಷ್ಕಾರಕ್ಕೆ ಪ್ರಯಾಣಿಕರ ನಿರ್ಧಾರ ಮುಂಬೈ, ಸೋಮವಾರ, 10 ಡಿಸೆಂಬರ್ 2007( 15:05 IST )

ಒಂದು ನಿರ್ದಿಷ್ಟ ಮಾರ್ಗದಲ್ಲಿ ಅಸಮರ್ಪಕ ರೈಲು ಸಂಚಾರದ ವಿರುದ್ಧ ಪ್ರತಿಭಟನೆ ನಡೆಸುವ ಸಲುವಾಗಿ ಪಶ್ಚಿಮ ರೈಲ್ವೆಯ ಸಬರ್ಬನ್ ಮಾರ್ಗದಲ್ಲಿ ರೈಲುಗಳಿಗೆ ಬಹಿಷ್ಕಾರ ಹಾಕಲು ನೂರಾರು ಪ್ರಯಾಣಿಕರು ಸೋಮವಾರ ನಿರ್ಧರಿಸಿದರು. ಸೋಮವಾರ ಬೆಳಿಗ್ಗೆ 6 ಗಂಟೆಯಿಂದ ಸಂಜೆ 6ಗಂಟೆಯವರೆಗೆ ಪ್ರವಾಸಿ ಅಧಿಕಾರ್ ಆಂದೋಳನ ಸಮಿತಿ ಈ ಬಹಿಷ್ಕಾರಕ್ಕೆ ಕರೆ ನೀಡಿದೆ. ದಕ್ಷಿಣ ಮುಂಬೈನ ಚರ್ಚ್‌ಗೇಟ್ ಮತ್ತು ಸಬರ್ಬನ್ ವಿರಾರ್ ನಡುವೆ ಇನ್ನಷ್ಟು ರೈಲುಗಳನ್ನು ಓಡಿಸುವಂತೆ ಈ ಸಮಿತಿ ಒತ್ತಾಯಿಸಿ ಪ್ರತಿಭಟನೆ ನಡೆಸುತ್ತಿದೆ.ಪ್ರತಿಭಟನೆ ಶಾಂತಿಯುತವಾಗಿ ನಡೆಯಲಿದ್ದು, ರೈಲುಗಳಿಗೆ ತಡೆಯೊಡ್ಡುವ ಅಥವಾ ಪ್ರಯಾಣಕ್ಕೆ ತಡೆಯೊಡ್ಡುವುದಿಲ್ಲ ಎಂದು ಪಾಸ್ ಸಂಚಾಲಕ ಶೈಲೇಂದ್ರ ಕಾಂಬ್ಲೆ ತಿಳಿಸಿದರು. ಪ್ರಯಾಣಿಕರು ಎದುರಿಸುತ್ತಿರುವ ಅಮಾನವೀಯ ಸ್ಥಿತಿಗತಿಗಳ ವಿರುದ್ಧ ಪ್ರತಿಭಟಿಸಲು ಮೀರಾ ರಸ್ತೆ ಮತ್ತು ವಿರಾರ್ ನಿಲ್ದಾಣಗಳ ನಡುವೆ ಘೋಷಣೆ ಕೂಗುವುದು ಮತ್ತು ಪಿಕೆಟಿಂಗ್ ನಡೆಸುವ ಮೂಲಕ ಈ ಸಂಘಟನೆ ಪ್ರತಿಭಟನೆ ನಡೆಸಲಿದೆ ಎಂದು ಅವರು ನುಡಿದರು.