ಕೊಲೆ: ಬಿಹಾರದ ಮಾಜಿ ಸಚಿವನಿಗೆ ಜೀವಾವಧಿ ಪಾಟ್ನಾ, ಬುಧವಾರ, 12 ಡಿಸೆಂಬರ್ 2007( 16:48 IST )

ಗ್ರಾಮ ಮುಖ್ಯಸ್ಥನ ಕೊಲೆಯ ಹಿನ್ನೆಲೆಯಲ್ಲಿ ಬಿಹಾರದ ಮಾಜಿ ಸಚಿವರೊಬ್ಬರಿಗೆ ತ್ವರಿತ ನ್ಯಾಯಾಲಯವು ಜೀವಾವಧಿ ಶಿಕ್ಷೆ ವಿಧಿಸಿ ತೀರ್ಪು ನೀಡಿದೆ. ಮಾಜಿ ಸಚಿವ ಆದಿತ್ಯ ಸಿಂಗ್ ಆಪರಾಧಿಯೆಂದು ಸಾಬೀತಾದ ಹಿನ್ನೆಲೆಯಲ್ಲಿ ಈ ಶಿಕ್ಷೆ ಘೋಷಿಸಲಾಗಿದೆ. ಆದಿತ್ಯ ಸಿಂಗ್ 2006 ರಲ್ಲಿ ಮೂವರು ಸಹವರ್ತಿಗಳ ಜೊತೆ ಸೇರಿ ನವಾಡ ಜಿಲ್ಲೆಯ ಗ್ರಾಮದ ಮುಖ್ಯಸ್ಥನೊಬ್ಬನನ್ನು ಕೊಲೆ ಮಾಡಿರುವ ಆರೋಪ ಎದರಿಸುತ್ತಿದ್ದರು. ಪ್ರಕರಣದ ಬಗ್ಗೆ ವಿಚಾರಣೆ ನಡೆಸಿದ ನ್ಯಾಯಾಲಯವು ಆದಿತ್ಯ ಅಪರಾಧಿ ಎಂದು ಘೋಷಿಸಿ ಶಿಕ್ಷೆ ನೀಡಿದೆ. ಹಿಸುವಾ ಕ್ಷೇತ್ರದ ಶಾಸಕನಾಗಿದ್ದ ಆದಿತ್ಯಸಿಂಗ್ ತನ್ನ ತೋಳ್ಬಲದ ತಂತ್ರದಿಂದಾಗಿ 'ಬಾಹುಬಲಿ' ಎಂಬ ಅಡ್ಡ ಹೆಸರನ್ನು ಪಡೆದಿದ್ದಲ್ಲದೆ, ಈತನ ವಿರುದ್ಧ ಹಲವಾರು ಅಪರಾಧ ಪ್ರಕರಣಗಳು ದಾಖಲಾಗಿದ್ದವು.