ಆಕಾಶ್ ಕ್ಷಿಪಣಿ ಪರೀಕ್ಷಾರ್ಥ ಪ್ರಯೋಗ ಬಾಲಸೋರ್, ಗುರುವಾರ, 13 ಡಿಸೆಂಬರ್ 2007( 21:07 IST )

ಮಧ್ಯಮ ವ್ಯಾಪ್ತಿಯ ನೆಲದಿಂದ ಆಕಾಶಕ್ಕೆ ಚಿಮ್ಮುವ ಆಕಾಶ್ ಕ್ಷಿಪಣಿಯನ್ನು ಚಂಡೀಪುರದ ಸಮುದ್ರದಲ್ಲಿ ಇಂಟೆಗ್ರೇಟೆಡ್ ಪರೀಕ್ಷಾ ನೆಲೆಯಿಂದ ಯಶಸ್ವಿಯಾಗಿ ಗುರುವಾರ ಪ್ರಯೋಗಿಸಲಾಯಿತು. ಐಟಿಆರ್ ಮೂಲಗಳ ಪ್ರಕಾರ, ಈ ಪ್ರಯೋಗವು ರಾಷ್ಟ್ರದ ಸಮಗ್ರ ನಿರ್ದೇಶಿತ ಕ್ಷಿಪಣಿ ಅಭಿವೃದ್ಧಿ ಕಾರ್ಯಕ್ರಮದಲ್ಲಿ ಪ್ರಮುಖ ಮೈಲಿಗಲ್ಲೆಂದು ಪರಿಗಣಿಸಲಾಗಿದ್ದು, ಬೆಳಿಗ್ಗೆ 11.55ಕ್ಕೆ ಪ್ರಯೋಗಿಸಲಾಗಿದೆ. ರಕ್ಷಣಾ ಸಂಶೋಧನೆ ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಒ) ಮತ್ತು ಸಮಗ್ರ ಪರೀಕ್ಷೆ ನೆಲೆಯ ಅಧಿಕಾರಿಗಳು 25 ಕಿಮೀ ವ್ಯಾಪ್ತಿಯ ಆಕಾಶ್ ಕ್ಷಿಪಣಿಯ ಉಡಾವಣೆಯನ್ನು ವೀಕ್ಷಿಸಿದರು. ಈ ಕ್ಷಿಪಣಿಯು ಸುಧಾರಿತ ಬೂಸ್ಟರ್ ಮತ್ತು ರಾಮ್‌ಜೆಟ್ ಪ್ರೊಪಲ್ಶನ್ ಹೊಂದಿದ್ದು, ದೇಶೀಯವಾಗಿ ನಿರ್ಮಿತವಾದ ಬಹುಮುಖದ ಗುರಿಯಿಡುವ ಸಾಮರ್ಥ್ಯ ಪಡೆದಿದೆ.