ವಿಮಾನನಿಲ್ದಾಣಗಳನ್ನು ಸ್ಫೋಟಿಸುವ ಬೆದರಿಕೆ ನವದೆಹಲಿ, ಸೋಮವಾರ, 17 ಡಿಸೆಂಬರ್ 2007( 19:07 IST )

ಜನವರಿ 12ರಂದು ಭಾರತದ ವಿಮಾನನಿಲ್ದಾಣಗಳನ್ನು ಸ್ಫೋಟಿಸುವುದಾಗಿ ನೆರೆಯ ಗುರ್‌ಗಾಂವ್‌ನಲ್ಲಿರುವ ನ್ಯಾಷನಲ್ ಕ್ಯಾರಿಯರ್ ಏರಿ ಇಂಡಿಯದ ಕಾಲ್ ಸೆಂಟರ್‌ಗೆ ಈ-ಮೇಲ್ ಬೆದರಿಕೆ ಬಂದಿದೆಯೆಂದು ಏರ್‌ಲೈನ್ ಮೂಲಗಳು ತಿಳಿಸಿವೆ. ಏರ್‌ಲೈನ್‌ಗೆ ಶನಿವಾರ ಬೆಳಿಗ್ಗೆ 11 ಗಂಟೆಗೆ ಈ-ಮೇಲ್ ಬೆದರಿಕೆ ಕರೆ ಬಂತೆಂದು ಸಹಾಯಕ ಮ್ಯಾನೇಜರ್ ಹರೀಶ್ ಮಾಸಂದ್ ಎಫ್‌ಐಆರ್ ಸಲ್ಲಿಸಿದ್ದಾರೆ. ರಾಷಟ್್ರದ ಪ್ರಮುಖ ವಿಮಾನನಿಲ್ದಾಣಗಳ ಭದ್ರತೆ ನಿರ್ವಹಿಸುವ ಸಿಐಎಸ್‌ಎಫ್ ಈಗಾಗಲೇ ಸಿಬ್ಬಂದಿ ಸಂಖ್ಯೆಯನ್ನು ಹೆಚ್ಚಿಸಿದೆ ಎಂದು ಸಿಐಎಸ್ಎಫ್ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.ಸಿಬ್ಬಂದಿಗೆ ಈ ಮೇಲ್ ಬೆದರಿಕೆ ಬಗ್ಗೆ ಎಚ್ಚರಿಸಿದ್ದು, ತಪಾಸಣೆ ತೀವ್ರಗೊಳಿಸಲಾಗಿದೆ ಮತ್ತು ವಿಮಾನನಿಲ್ದಾಣಗಳಿಗೆ ಬಂದುಹೋಗುವ ಜನರ ಚಲನವಲನಗಳ ಬಗ್ಗೆ ನಿಗಾ ವಹಿಸಲಾಗಿದೆ. ರಾಜಧಾನಿಯಲ್ಲಿ ಉಗ್ರಗಾಮಿಗಳು ದಾಳಿ ನಡೆಸುವ ಸಾಧ್ಯತೆಯ ಬಗ್ಗೆ ಎಚ್ಚರಿಕೆ ನೀಡಿರುವ ಹಿನ್ನೆಲೆಯಲ್ಲಿ ದೆಹಲಿ ವಿಮಾನನಿಲ್ದಾಣದಲ್ಲಿ ಭದ್ರತೆಯನ್ನು ಬಿಗಿಗೊಳಿಸಲಾಗಿದೆ.