ರಸ್ತೆ ಅಪಘಾತ: ನಾಂದೇಡ್‌ನ ಐವರ ಸಾವು ಒಂಗೊಲೆ, ಮಂಗಳವಾರ, 18 ಡಿಸೆಂಬರ್ 2007( 18:22 IST )

ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಚಿಂಟಾಲಾ ಗ್ರಾಮದ ಬಳಿ ಪ್ರವಾಸಿ ಬಸ್ಸೊಂದಕ್ಕೆ ಕಾರೊಂದು ಡಿಕ್ಕಿ ಹೊಡೆದು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಮೂವರು ಮಹಿಳೆಯರು ಸೇರಿದಂತೆ ಐದು ಮಂದಿ ಅಸುನೀಗಿದ ಘಟನೆ ಮಂಗಳವಾರ ಸಂಭವಿಸಿದೆ. ಇವೆರಲ್ಲರೂ ಮಹಾರಾಷ್ಟ್ರದ ನಾಂದೇಡ್ ಜಿಲ್ಲೆಗೆ ಸೇರಿದವರೆಂದು ತಿಳಿದುಬಂದಿದೆ. ಕಾರು ಮಹಾರಾಷ್ಟ್ರದಿಂದ ಶ್ರೀಶೈಲಂ ಕಡೆಗೆ ಬರುವಾಗ ಅಪಘಾತ ಸಂಭವಿಸಿದೆಯೆಂದು ಪೊಲೀಸರು ತಿಳಿಸಿದ್ದಾರೆ. ಸತ್ತವರನ್ನು ಕಾರು ಚಾಲಕ ಪವಾರ್, ಸಾರಂಗಸ್ವಾಮಿ, ಸಪ್ನಜಾ, ಅಂಕಿತಾ ಮತ್ತು ಪ್ರಭಾಗುಡೇಮಾರ್ ಎಂದು ಗುರುತಿಸಲಾಗಿದ್ದು, ಎಲ್ಲರೂ ನಾಂದೇಡ್‌ನ ಕಾಪ್ರಾ ಗ್ರಾಮಕ್ಕೆ ಸೇರಿದವರೆಂದು ತಿಳಿದುಬಂದಿದೆ. ಒಟ್ಟು 12 ಜನರು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದು, ಗಾಯಗೊಂಡ ಇನ್ನಿತರ 7 ಜನರನ್ನು ಗುಂಟೂರು ಸರ್ಕಾರಿ ಆಸ್ಪತ್ರೆಗೆ ಸೇರಿಸಲಾಗಿದೆ.