ತಮಿಳುನಾಡು:ಮಳೆಗೆ ಇನ್ನೂ 6 ಬಲಿ ಚೆನ್ನೈ, ಗುರುವಾರ, 20 ಡಿಸೆಂಬರ್ 2007( 19:13 IST )

ತಮಿಳುನಾಡಿನಲ್ಲಿ ಗುರುವಾರ ಬಿದ್ದ ಭಾರೀ ಮಳೆಯಿಂದ ಇನ್ನೂ 6 ಜನರು ಸತ್ತಿದ್ದು, ಸತ್ತವರ ಸಂಖ್ಯೆ 34ನ್ನು ಮುಟ್ಟಿದೆ. ಕೊಯಮತ್ತೂರು ಜಿಲ್ಲೆಯಲ್ಲಿ ಗೋಡೆ ಕುಸಿದು ಇಬ್ಬರು ಕೂಲಿ ಕಾರ್ಮಿಕರು ಅಸುನೀಗಿದ್ದಾರೆ. ಕಳೆದ ಮೂರು ದಿನಗಳಿಂದ ರಾಜ್ಯದಲ್ಲಿ ತೀವ್ರ ಮಳೆ ಬೀಳುತ್ತಿದ್ದು, ಜನಜೀವನ ಅಸ್ತವ್ಯಸ್ತವಾಗಿದೆ. ಥೇನಿ ಜಿಲ್ಲೆಯಲ್ಲಿ ಇಬ್ಬರು ಕಾರ್ಮಿಕರು ಮತ್ತು ತಿರುವಳ್ಳೂರ್ ಜಿಲ್ಲೆಯಲ್ಲಿ ಒಬ್ಬ ಮಹಿಳೆ ಇದೇ ರೀತಿಯಲ್ಲಿ ಸಾವಪ್ಪಿದ್ದಾರೆ. ಆ ಮುಲ್ಲಾವಾಯಿಲ್‌ನಲ್ಲಿ ದ್ವಿಚಕ್ರವಾಹನದಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬರು ಪ್ರವಾಹದ ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿದ್ದಾರೆ. ಮಳೆ ಸಂಬಂಧಿತ ಘಟನೆಗಳಲ್ಲಿ ಅಸುನೀಗಿದವರ ಬಂಧುಗಳಿಗೆ ತಲಾ ಒಂದು ಲಕ್ಷ ರೂ. ಪರಿಹಾರವನ್ನು ರಾಜ್ಯ ಸರ್ಕಾರ ಪ್ರಕಟಿಸಿದೆ.