ಸೋನಿಯ, ಮೋದಿಗೆ ಆಯೋಗದಿಂದ ಮುಕ್ತಿ ನವದೆಹಲಿ, ಶನಿವಾರ, 22 ಡಿಸೆಂಬರ್ 2007( 17:35 IST )

PTI ಚುನಾವಣೆ ಪ್ರಚಾರದ ಸಂದರ್ಭದಲ್ಲಿ ಪ್ರಚೋದನಾಕಾರಿ ಹೇಳಿಕೆಗಳನ್ನು ನೀಡಿದ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರನ್ನು ಚುನಾವಣೆ ಆಯೋಗ ಶನಿವಾರ ದೋಷಮುಕ್ತಿಗೊಳಿಸಿದ್ದರೂ, ಅವರ ನಡವಳಿಕೆ ಬಗ್ಗೆ ಅತೃಪ್ತಿ ವ್ಯಕ್ತಪಡಿಸಿದೆ. ನೋಟೀಸಿಗೆ ನೀಡಿದ ಉತ್ತರಗಳನ್ನು ಪರಿಶೀಲಿಸಿದ ಮೂವರು ಸದಸ್ಯರ ಸಮಿತಿ ಕಾಂಗ್ರೆಸ್ ನಾಯಕ ದಿಗ್ವಿಜಯ ಸಿಂಗ್ ಅವರನ್ನು ಕೂಡ ದೋಷಮುಕ್ತಿಗೊಳಿಸಿದ್ದಾರೆ. ಕೆಲವು ಸಮಯದ ಬಳಿಕ ಸೋನಿಯ, ಮೋದಿ ಮತ್ತು ಸಿಂಗ್ ಅವರಿಗೆ ಚುನಾವಣೆ ಆಯೋಗವು ತನ್ನ ನಿರ್ಧಾರವನ್ನು ಮುಟ್ಟಿಸಲಿದೆ. PTI ಆದಾಗ್ಯೂ, ಮೂವರನ್ನು ವಾಗ್ದಂಡನೆಗೆ ಗುರಿ ಮಾಡಲು ಆಯೋಗ ವಿರೋಧ ಸೂಚಿಸಿದೆಯೆಂದು ತಿಳಿದುಬಂದಿದೆ. ಸೋಹ್ರಾಬುದ್ದೀನ್ ಅವರ ಎನ್‌ಕೌಂಟರ್ ಹತ್ಯೆ ಮೋದಿಯಿಂದ ಸಮರ್ಥನೆ ಮತ್ತು ಗುಜರಾತ್ ರಾಜ್ಯ ಸರ್ಕಾರದ ವಿರುದ್ಧ ಸಾವಿನ ವ್ಯಾಪಾರಿ ಎಂಬ ಸೋನಿಯಾ ಪ್ರತಿಕ್ರಿಯೆಯಿಂದ ತನಗೆ ಅತೃಪ್ತಿಯಾಗಿರುವುದಾಗಿ ಚುನಾವಣೆ ಆಯೋಗ ತಿಳಿಸಿದೆ.