ಪ್ರಾಚೀನ ಗುರುಕುಲಕ್ಕೆ ಪುನಶ್ಚೇತನ ನೀಡಿದ ಶಾಲೆ ಲಕ್ನೊ, ಸೋಮವಾರ, 31 ಡಿಸೆಂಬರ್ 2007( 17:17 IST )

ಭಾರತದ ಶಿಕ್ಷಣ ವ್ಯವಸ್ಥೆ ಪಾಶ್ಚಿಮಾತ್ಯ ರಾಷ್ಟ್ರಗಳ ಶಿಕ್ಷಣ ಸ್ವರೂಪವನ್ನು ಪಡೆಯುತ್ತಿರಬಹುದು, ಆದರೆ ಪ್ರಾಚೀನ ಗುರುಕುಲ ವ್ಯವಸ್ಥೆಗೆ ಪುನಶ್ಚೇತನ ನೀಡಲು ಪ್ರಯತ್ನಿಸುವ ಮೂಲಕ ಇಲ್ಲಿನ ಶಾಲೆಯೊಂದು ಹಿಂದಿನ ಪರಂಪರೆಗೆ ಹಿಂತಿರುಗುತ್ತಿದೆ. ಇಂದಿರಾನಗರದಲ್ಲಿ ಐದು ವರ್ಷಗಳ ಕೆಳಗೆ ಶಂಕರಾಚಾರ್ಯ ಜಯೇಂದ್ರ ಸರಸ್ವತಿ ನೇತೃತ್ವದಲ್ಲಿ ಆರಂಭವಾದ ಕಂಚಿ ಕಾಮಕೋಟಿ ಶಂಕರಾಚಾರ್ಯ ವೇದ ಈವಾಂ ವೇದಿಕ್ ಸಂಸ್ಕಾರ ಶಿಕ್ಷಾ ಕೇಂದ್ರ ಗುರುಕುಲ ವ್ಯವಸ್ಥೆಯ ಫಲಿತಾಂಶವನ್ನು ತೋರಿಸಲು ಆರಂಭಿಸಿದೆ. ಈ ಶಾಲೆಯ ಶಿಷ್ಯವರ್ಗದ ಮೊದಲ ಬ್ಯಾಚ್ ತೇರ್ಗಡೆಯಾಗಿ ವೇದದ ಶಿಕ್ಷಕರ ಪಾತ್ರವನ್ನು ವಹಿಸಲಿದ್ದಾರೆ. ಆಸಕ್ತಿದಾಯಕ ವಿಷಯವೇನೆಂದರೆ ಇಲ್ಲಿ ವಯಸ್ಸಿನ ನಿರ್ಬಂಧವಿಲ್ಲದೇ ಹದಿಹರೆಯಕ್ಕೆ ಕಾಲಿಡುತ್ತಿರುವ ಉದಿತಿ ಆವಸ್ಥಿ ಅತ್ಯಂತ ಕಿರಿಯ ಪದವೀಧರ. ಉದಿತಿ ಗುರುಕುಲಕ್ಕೆ ಸೇರಿದಾಗ ಕೇವಲ 7 ವರ್ಷ ವಯಸ್ಸಾಗಿತ್ತು. ಇಂದು ಇಂಟರ್ನ್‌ಶಿಪ್ ಭಾಗವಾಗಿ ತನಗಿಂತ ಹಿರಿಯ ವಯಸ್ಸಿನ ವಿದ್ಯಾರ್ಥಿಗಳಿಗೆ ಸಂಸ್ಕೃತ ವ್ಯಾಕರಣ ಬೋಧನೆ ಮಾಡುತ್ತಿದ್ದಾರೆ. ಗುರು-ಶಿಷ್ಯ ಪರಂಪರೆಯ ಐದು ವರ್ಷಗಳ ಕಠಿಣ ವೇಳಾಪಟ್ಟಿಯಿಂದ ಕಿರಿಯ ವಿದ್ವಾಂಸ ವೇದಗಳ ಸಂಸ್ಕೃತ ಶ್ಲೋಕವನ್ನು ಪಠಿಸುತ್ತಾನಲ್ಲದೇ ನಿರರ್ಗಳವಾಗಿ ಇಂಗ್ಲೀಷ್ ಮಾತನಾಡುತ್ತಾನೆ. ಇಲ್ಲಿನ ನಿಯಮಗಳು ಅತ್ಯಂತ ಕಠಿಣವಾಗಿದೆ ಇಲ್ಲಿ ಟಿವಿ, ರೇಡಿಯೊ ಅಥವಾ ಮನರಂಜನೆಯ ಯಾವುದೇ ಮೂಲವಿರುವುದಿಲ್ಲ. ಜೀವನವು ಅಧ್ಯಯನ ಮತ್ತು ವೇದದ ಆಚರಣೆಗಳಿಗೆ ಸೀಮಿತವಾಗಿರುತ್ತದೆ. ವಿದ್ಯಾರ್ಥಿಗಳಿಗೆ ಸ್ನೇಹಿತರು, ಸಂಬಂಧಿಗಳು, ಪೋಷಕರು, ಸೋದರರು ಮತ್ತು ಸೋದರಿಯರನ್ನು ಭೇಟಿ ಮಾಡಲು ಅವಕಾಶವಿರುವುದಿಲ್ಲ ಎಂದು ಎಂದು ಆಚಾರ್ಯ ಎಸ್.ಜಿ.ಸ್ವಾಮಿನಾಥನ್ ಹೇಳುತ್ತಾರೆ.